Tuis. 07

1 Geen onderbreking nie

Lelike kragboks in die kombuis? Ons het dié vernuftige plan in

Frank en Gerda Halewijn van Middelburg se huis gesien. Hulle het

die deurtjie van hul kragboks met dieselfde plakpapier as die

fokusmuur daaragter bedek sodat die boks wegsmelt en nie meer

afbreuk doen aan hul kombuisdekor nie. Die oulike speseryrakkie

met lepelhandvatsels daaronder het hulle ’n paar jaar gelede by

Eau-La-La se stalletjie by Kamers/Makers raakgekoop.

2 Kry jou lê

Ons het dié knus hondebed gemaak van ’n ou manstrui ’n ou strooi-

kussing watteersel en oorskietwol. Ons het begin deur die nek met

die oorskietwol toe te werk. Daarna het ons ’n rol watteersel in elke

mou gesit en nog ’n rol in die ruimte tussen die “skouers”. Die “lyf”

van die trui is gestop met ’n ou platgesitte strooikussing. Die onder-

ste derde van die trui is omgevou en agter vasgewerk. Laastens is

die moue aan die trui se lyf vasgewerk om die sirkel te voltooi.

3 Handjies klap koekies bak

Rebecca Valentyn van Bellville se ma Belinda en oupa Malcolm

Neilson het vir haar ’n ou TV-kas in ’n speelkombuis op wiele

omskep. Hulle het die onnodige rakke uitgehaal die hele eenheid

met ’n goeie onderlaag geverf en toe dié oulike bykomstighede

aangebring: “yskasdeure” van dun staalplaat waarteen Rebecca

haar kunswerke met magnete kan vassit’n regte kraan en wasbak

met ’n werkende drein (daar’s ’n opvangbak onder) en ’n “oond”

met ’n perspeksdeur raak-liggies en rakkies wat so realisties lyk dat

dit eindelose plesier verskaf!

Voor^3

1 2

14 tuis Julie 2017

Mat van MRP Home; speelgoedbeen van Checkers