Tuis. 07

Die ronde eetkamertafel is

’n antieke vonds. Katia sê

die swart kaggelrak met goue

detail het háár jare gelede op

’n veiling “uitgekies”. Sy het

die houtpanele teen die muur

ligblou geverf (Plascon se

Bottlenose Dolphin) vir ’n tikkie

Franse flair.

Erdebeker en -bakkie

van Le Creuset

Net ‘n leksel verf!

Katia en Chad het glad nie van die oorspronklike

beige keramiekteëls in die kombuis en eetarea

gehou nie maar ook nie kans gesien vir uitkap

nie – toe verf hulle dit in ’n romantiese grys-en-wit

blokkiespatroon.

Hulle het die poliuretaanverf vir die grys teëls by

Builders laat meng en wit verf vir die ander gebruik.

Eers het hulle die teëls met suikerseep geskrop en

voorberei met ’n teël-onderlaag (probeer Plascon

Tile & Melamine Primer). Toe het hulle die rand van

elke liewe teël in die vertrek met ’n

kwassie geverf en daarna ingevul

met ’n sponsroller. Net een laag was

nodig. As jy dit ook wil probeer kies

Plascon Velvaglo in die kleur van jou

keuse en rond dit af met een of twee

lae Plascon Glatex 8 Enamel.

20 tuis Julie 2017

leserhuis