Tuis. 12

Justine se aartappels

Bros bo en roomsag onder. Dit is hoe
Justine dié gunsteling in hul familie
beskryf. Gebruik ’n baie skerp mes
om die aartappels te sny.

Genoeg vir 6
Bereidingstyd: 30 minute
Gaarmaaktyd: 1½–2 uur

• 8 groot aartappels geskil


• 125 g botter


• 6 repe swoerdlose spek fyngekap
  (opsioneel)


• ’n hand vol tiemie fyngekap


• 2 knoffelhuisies fyngekap


• sout en varsgemaalde swartpeper
  na smaak

1 Voorverhit die oond tot 180 °C. Sny die
aartappels in papierdun skyfies van sowat
1 mm dik maar moenie regdeur sny nie
sodat hul onderkant nog die aartappel sy
vorm laat behou. Pak die aartappels met
hul gesnyde kant na bo in ’n oondbak.
2 Verhit die botter en braai die spek
(indien gebruik) tiemie en knoffel vir
1–2 minute of tot die spek bros is. Giet dit
bo-oor die aartappels en geur met sout en
peper. Sit die aartappels in die voorverhitte
oond en bak tot goudbruin en bros.

Fees-koekstruif

Genoeg vir 6

Bereidingstyd: 1 uur

• 500 ml room


• 70 g (80 ml) strooisuiker


• 1 vanieljepeul saadjies uitgekrap


• 15 ml gelatien


• 50 ml koue water


• 400 g vars frambose bloubessies
  en aarbeie


• 250 g meringues


• 1 x 280 g-madeirakoek in skywe gesny


• 125 ml sjerrie


• 500 ml vla


• 1 liter roomys van jou keuse

1 Verhit die room suiker vanieljesaadjies

en -peul oor matige hitte tot kookpunt en

laat prut vir ’n paar minute. Strooi die

gelatien oor die koue water in ’n bakkie en

laat staan vir ’n paar minute om te week.

Verwyder die warm roommengsel van die

plaat en haal die vanieljepeul uit. Roer die

gesponsde gelatien by totdat dit gesmelt

het. Giet die mengsel dan onderin ’n mooi

glasbak (met ’n volume van sowat 2 liter).

Sit dit in die yskas tot gestol.

2 Strooi die helfte van die frambose

bloubessies en aarbeie oor die gestolde

roommengsel. Krummel die helfte van die

meringues en sprinkel bo-oor die bessies.

3 Pak ’n laag madeirakoekskywe bo-op en

sprinkel die helfte van die sjerrie oor gevolg

deur die res van die bessies. Giet die vla

oor pak nog ’n laag koekskywe op gevolg

deur die laaste sjerrie – sit in die yskas tot jy

dit wil voorsit met roomysballe bo-op.

Aspersies en

boontjies met

ansjovisbotter

Genoeg vir 6

Bereidingstyd: 20 minute

Gaarmaaktyd: 10 minute

• 250 g dun groenboontjies


• 250 g vars aspersies


• 2 knoffelhuisies fyngekap


• 45 ml sagte botter


• gerasperde skil van 1 suurlemoen


• 2 ansjovisfilette fyngekap


• olyfolie (opsioneel)


• parmesaanskaafsels vir garnering

1 Sny die boontjies se stingelente af.

Blansjeer die boontjies en aspersies vir

5 minute in kokende water tot net sag.

Dreineer die groente en spoel af onder

lopende koue water.

2 Meng die knoffel botter suurlemoenskil

en ansjovis in ’n pan en soteer die boontjies

en aspersies daarin. Voeg ’n bietjie olyfolie

by indien nodig. Skep op ’n dienbord en

garneer met die parmesaanskaafsels.

Ons is mal oor

seekos veral wanneer

dit vars uit die see

kom en reguit kole

toe kan gaan.

• Justine

Desember 2017 tuis 35