Tuis. 12

Ek maak my skaapboud in die prutpot dan is die vleis altyd smeltsag. – Alda

Desember 2017 tuis 43

Eisbein

Alda se kruietuin is ’n lushof en al die

eetbare blaartjies en blommetjies kom

handig te pas by die vleis wat stadig

gerooster word.

Genoeg vir 10 as deel van die feesmaal

Bereidingstyd: 1 uur • Gaarmaaktyd:

4–5 uur • Oondtemperatuur: 200 °C

• 5 gepekelde eisbeins


• 2 wortels grofgekap


• 2 selderystingels grofgekap


• 5 ml heel peperkorrels


• 4 lourierblare


• 1 liter gemmerbier


• 4 suur appels in kwarte gesny en ontpit


• sagte kruieblaartjies


• Ginger & Peppadew Pepper Relish vir
  voorsit (kry dit by Woolies)
  GLASEERSEL


• 60 ml korrelmosterd


• 60 ml heuning

1 Spoel die pekel van die vleis en gebruik ’n

skerp messie om net-net deur die vellaag te

sny. Sit dit dan in ’n groot pot saam met die

wortels seldery peper lourier en gemmer-

bier en bring tot kookpunt. Draai die hitte

laag en laat kook tot die vleis van die been

wil afval. Alda span natuurlik hiervoor ook

haar prutpot in maar as jy nie een het nie

kook die eisbein vir 2 uur en laat dit in die

sous afkoel vir nog 2 uur.

2 Voorverhit die oond. Haal die vleis uit die

kookvloeistof en sit dit in ’n oondroosterpan

saam met die appels. Meng die glaseersel-

bestanddele met genoeg kookvloeistof om ’n

dik smeer te vorm en verf mildelik oor die

vleis. Bak tot die vleis blink. Sit voor met ’n

strooisel sagte kruieblaartjies en Ginger &

Peppadew Pepper Relish of jou gunsteling-

tamatiesmoor.

Skaapboud

Smeer1 groot skaapboudoraloor met

olyfolieworcestersousenblatjang. Sit die

boud2 groot uie in wiggies gesny en ’n

paar takkiesroosmarynin die prutpot op

hoog en laat prut vir sowat 4 uur – dit moet

van die been afval. As daar te veel vog in

die pot is skep ’n bietjie uit en strooi

3 eetlepels van Ina Paarman seBeef

Flavour Stock Powderoor. Laat vir nog so ’n

halfuur deurkook tot die sous dik raak.

Beet-en-vyeslaai met

geroosterde radys

Genoeg vir 10–12 • Bereidingstyd: 1 uur

Gaarmaaktyd: 30 minute

• 6–8 mediumgroot bete geskil en in
  wiggies gesny


• 125 ml suiker


• 125 ml balsemiekasyn


• 125 ml kookwater


• 60 ml olyfolie


• 100 ml pampoensaad


• 100 ml sonneblomsaad


• 1 bossie radyse baie goed gewas en
  blaartjies kort geknip


• 8–12 ryp pers vye oopgeskeur


• twee hande vol roket of baba-slaaiblare


• 100 ml gedroogde bosbessies


• parmesaanskaafsels

1 Kook die beet in die suiker asyn en water

tot die beet sag en stroperig is. Laat

heeltemal afkoel. Geur met sout en

swartpeper.

2 Verhit die helfte van die olyfolie en rooster

die sade stadig tot hulle begin oppof.

Verwyder van die hitte en geur met growwe

sout. Laat afkoel.

3 Meng die radyse met die orige olyfolie en

geur met sout en peper. Rooster vir ’n paar

minute onder ’n warm roosterelement – dit

gee die radyse ’n heerlike tekstuur.

4 Om saam te stel rangskik die beet

radyse en vye tussen die blare en strooi dan

die bosbessies sade en parmesaankaas

oor. Sit voor met olyfolie en ekstra

balsemiekasyn. >>

Konsertina-botterskorsie

Skil 3 klein botterskorsies halveer en

ontpit. Sny nou elke helfte met ’n skerp

mes in dun konsertinaskyfies (maar nie

regdeur nie) en rooster dit vir sowat

40 minute in die oond met sout en

peper olyfolie lourierblaar knoffel en

suurlemoensap. Ons het vir die lekker

ook laventelblaarbotter bygestip maar

dit is opsioneel.

Heel blomkool met

ham en kaassous

Blomkool en kaassous is almal se

gunsteling. Gee dit ’n kinkel deur die heel

blomkoolkoppe in die mikrogolf te stoom tot

net gaar maar nog lekker krakerig. Druk nou

rolletjies gerookte ham tussen die blomme

in sodat die pienk hier en daar uitloer.

Bedruip met kaassous en strooi

neutmuskaat oor. Bak in die oond tot

goudbruin.

Cornel se

hoenderpastei

Net soos Alda se skaapboud is haar suster

Cornel se hoenderpastei uit die Aga ook ’n

instelling. Die resep is eenvoudig gaar

hoender wat sy met haar geheime wapen

Bakels se Fino Chicken Pie Mix en uie

opdollie en in ’n degie bak. Makliker kan dit

nie. As jy nie die geurmiddel kan kry nie

hier is ons weergawe:

Genoeg vir 10 • Bereidingstyd: 45 minute

Baktyd: 1 uur • Oondtemperatuur: 200 °C

• 80 ml botter


• 2 uie fyngekap


• 80 ml meel


• 250 ml hoenderaftreksel


• 500 ml melk


• 1 lourierblaar


• ’n knippie neutmuskaat


• 2 kg gaar hoender gevlok


• blaardeeg


• geklitste eier

1 Smelt die botter in ’n pot en braai die uie

tot geurig. Klits die meel by en braai tot

skuimerig. Klits nou driftig die aftreksel en

melk by. Voeg ook die lourierblaar en

neutmuskaat by en laat prut terwyl jy

aanhoudend klits totdat ’n dik witsous vorm.

Geur na smaak met sout en varsgemaalde

swartpeper; verwyder die lourierblaar.

2 Voorverhit die oond. Roer die gevlokte

hoender by die witsous en skep die mengsel

in ’n oondvaste pasteibak. Bedek die vulsel

met blaardeeg verf met eier en versier met

ekstra stukkies deeg. Bak die pastei vir

sowat 15 minute teen dié hoë temperatuur

sodat die blaardeeg kan begin pof; draai

dan die hitte af na 180 °C en bak tot

goudbruin en deurgaar.