Tuis. 12

Dié “manna” is

piepklein roosterkoekies

so genoem deur Carol-

Ann se kleinseun

Adriaan.

Karoo-spyskaart

Voorgereg

Hoenderlewerpatee

Manna-roosterkoekies

–––––––

Hoofgereg

Karoo-lamskenkelpotjie

Stampmielies

Beet-slaaistapels

–––––––

Nagereg

Ouma Pauline se brandewyntertjies

Tuisgemaakte vanieljeroomys

Resep op bl. 62

Hoenderlewerpatee

Genoeg vir 6 as voorgereg

Bereidingstyd: 15 minute

Gaarmaaktyd: 15 minute

• 30 ml botter


• 1 mediumgroot ui fyngekap


• 100 g sampioene fyngekap


• een groot knoffelhuisie gekap


• 500 g hoenderlewers mooi skoongemaak


• 5 ml basiliepesto


• 5 ml korrelmosterd


• ’n knypie vars tiemieblaartjies


• ’n knypie gemengde gedroogde kruie
  
  
  • 100 ml room
    
    
    • 100 ml botter gesmelt
      
      
      • 100 ml verhelderde botter vir afronding
        (opsioneel)
        1 Verhit die botter in ’n dikboompan en
        braai die ui tot glansend. Voeg die
        sampioene en knoffel by en braai tot geurig.
        Voeg nou ook die lewer by en braai tot bruin
        buite maar nog ligpienk binne. Geur met die
        pesto mosterd tiemie gemengde kruie en sout
        en peper na smaak en braai vir nog ’n minuut
        sodat alles mooi bymekaarkom.
        2 Skep in ’n mengbak voeg die room en
        gesmelte botter by en verwerk tot ’n gladde
        effens loperige mengsel. Giet in die houer of
        koppies waarin jy die patee gaan voorsit en
        laat heeltemal afkoel. Bedek met ’n lagie
        verhelderde botter en sit in die yskas tot gestol.
        Ons het net voor opdiening sterretjies uit die
        botter gesny vir ’n feestelike gevoel. Laat gerus
        die verhelderde botter weg en versier die patee
        met ’n takkie vars tiemie of sagte kruie-
        blaartjies en ’n bietjie varsgemaalde
        swartpeper.