KOLUMISON BOROS SUNDAIT ID KAMPUNG LOKOS / JILORISA JOHN

pongia’an om pinsingilaan di maan potungkuso kumaa sukod wagu moi
kotilombus sabaagi boros koilaan.

1.3 HONTOLON, TUDU OM TUHOT PONORIUKAN

Hontolon nopo do ponoriukan diti nga montok mongilo do koulalaho maya
struktrur sundait di insaru gunoon do komolohingan maso mongomot parai id
Kampung Lokos, mongilo fungsi sosial do sundait i gunoon do komolohingan
maso mongomot parai id Kampung Lokos om nogi mongilo kounalan do
kopomogunoon sundait sabaagi kolumison boros id koposion tinaru
Kadazandusun.

1.3.1 TUDU PONORIUKAN

1. Mongilo do koulalaho maya struktrur sundait di insaru gunoon do
   komolohingan maso mongomot id Kampung Lokos.


2. Mongilo fungsi sosial do sundait i gunoon do komolohingan maso
   mongomot parai id Kampung Lokos.


3. Mongilo kounalan do kopomogunoon sundait sabaagi kolumison boros id
   koposion tinaru Kadazandusun.

1.3.2 TUHOT SORIUK

1. Nunu koulalaho maya struktur sundait di insaru gunoon do komolohingan
   maso mongomot id Kampung Lokos?


2. Nunu fungsi sosial do sundait i gunoon do komolohingan maso mongomot
   id Kampung Lokos?


3. Nunu kounalan do kopomogunoon sundait sabaagi kolumison boros id
   koposion tinaru Kadazandusun?

1.4 SKOP OM RONTOB PONORIUKAN

Sundung popohompit do gana sastera lisan om kolumison boros o ponoriukan
diti, fokus nopo kopio ponoriukan nga maganu toomod do koilaan kokomoi
koulalaho toi ko' roromu om fungsi sosial do sundait di insaru komolohingan id