BAB 3
3.0: METODOLOGI PONORIUKAN
3.1 KOPOINTUTUNAN
Popotolinahas o bab diti do kararalano kopoindalanan ponoriukan montok
kopogonuan om ponimungan do data. Momoguno o ponoriukan diti do
ponginsamakan kualitatif montok monimung do data kokomoi sundait i gunoon
komolohingan maso mongomot doid Kampung Lokos.
3.2 REKA BENTUK PONORIUKAN
Reka bentuk soriuk nopo nga tituduk kokomoi kaida ponginsamakan di
kosudong do gunoon doid toisoiso o ponoriukan (Othman id suang ponoriukan
di Nur Syarafina Abdul Rahman et al., 2020). Gunoon o reka bentuk etnografi
miampai momoguno kaida kualitatif id suang do ponoriukan diti. Ponoriukan
etnografi nopo nga mongilo om mamarati miampai aralom toisoiso kaantakan,
kouyuuyuo’ toi ko’ koubasanan toisoiso o momogun.
3.3 INFORMAN OM KINOYONON PONORIUKAN
3.3.1 Informan Ponoriukan
Informan ponoriukan nopo di nopili id suang ponoriukan diti nga soginumu apat
tulun i kiumul id pialatan 50- 9 0 toun. Nopili o apat tulun diti sabaagi informan
id suang ponoriukan diti tu yolo no i haro kabaalan om toilaan kokomoi diti
sundait om nokoumbal po momoguno sundait toi ko’ nakawaya ababayan
mogisusundait maso mongomot sundung au nokotorimo pondidikan formal.
Oinsanan nopo do informan montok ponoriukan diti nga tulun sandad doid
Kampung Lokos i momoguno dialek Bundu-Liwan om kumalaja sabaagi
momumutanom.
3.3.2 Kinoyonon Ponoriukan
Poindalanon o ponoriukan diti hilo id Kampung Lokos, watas Tuaran. Kriteria
pomilian do kinoyonon nopo nga maya ahal-ahal miagal do kiwaa
komolohingan di kakal po kitoilaan kokomoi sundait, ababayan mogisusundait