Rindokoon om patayadon o asil ponoriukan id siriba miampai lobi
aralom tumanud do nuludan tuhot ponoriukan:
- Nunu koulalaho maya struktur sundait di insaru gunoon do komolohingan
maso mongomot id Kampung Lokos? - Nunu fungsi sosial do sundait i gunoon do komolohingan maso mongomot
id Kampung Lokos? - Nunu kounalan do kopomogunoon sundait sabaagi kolumison boros id
koposion tinaru Kadazandusun?
4.3. 1 KOULALAHO OM ROROMU DO SUNDAIT
Maya asil ponorubungan om pongintangan, haro o limo koulalaho om roromu
id suang do sundait di gunoon komolohingan maso mongomot id Kampung
Lokos.
i. Haro sundait di oniba/oribau om haro nogi i anaru/aralom
Sundait di oniba toi ko’ oribau nopo nga koubasanan kibontuk iso toi ko’ duo
no bangki.
Poomitanan:
a. Ogumu torigi om iso no tinokop.
b. Tibason nogi amu momuraha,
bobogon nogi om momuraha.
Montok nopo sundait di anaru toi ko’ aralom, koubasanan nopo nga kibontuk
do anaru o bangki.
Poomitanan:
Layuk randagan ku sawat,
kalayuk nopo i randagan nga kolobuk kosungkadon,
om kolobuk di kosondoton,
onuo ku i mandangol om obilo ku no i kompilan,
potilibo monsurub, paansayo ku montobuk.