ii. Momoguno boros om kororoito di kagayat ginawo om olinuud
Minopointalang o informan koduo do kagayat ginawo o boros om kororoito di
gunoon id suang do sundait. Suai ko ii, abaal nogi o komolohingan di laid do
boros sastera tu momoguno yolo boboroson di kisuang moi au kosinduol do
sunduan doid posorili gama kotumbayaan animisme. Kiwaa nogi
kopomogunoon boros klasik, olumis om au misondikot o komoyon nga soira
pomusarahan kawagu i pamarait nga koontok om kosudong ii. Mantad
pongintangan, kopomogunoon nopo do boros id suang kopolombusan sundait
nga kiula olinuud om osonong o karangahan. Montok aspek kopolombusan,
polombuson di informan o toisoiso sundait miampai loyuk di alambayad om
olumaya. Okito o poomitanan maya Jadual 8.
Jadual 8
Poomitanan sundait di momoguno boros om kororoito di kagayat om olinuud
Sundait Huyadan
Kayu-kayu guas ku
songkuntukuntuku,
tomod do koloinan nga koloinan
di boin.Momoguno do boros klasik o
sundait diti tu haro piipiro hogot di
au no oilaan o rati.Tibaso ku ri hobut,
Polombusai ku i Yampang,
Ampang kibito Yura,
Yura kibito i Yotong.Sisimbar nopo montok sundait diti
nga i lonot do piasau. Mantad
struktur sundait diti, okito
kopomogunoon boros di olinuud,
olumis om au misondikot o
komoyon. Tumanud di informan
koduo, idea kapamansayan sundait
nopo diti nga maya proses
momumpug do piasau dii. Mantad
dii, haro nogi woyo monusui id