iv. Sundait nopo nga winonsoi sondii maya karangahan om sandad
posorili
Sundait id Kampung Lokos nopo nga winonsoi sondii di komolohingan maya
karangahan, sandad posorili om koinganan id koposion sangagadau. Maya
poomitanan sundait di pinatahak do toinsanan informan id 4.3. 4 : Poomitanan
sundait miampai sisimbar, ponguludan boros nopo montok toinsanan sundait
dii nga mionit do posorili, koinganan sosongulun om koposion sangagadau
miagal do tayam, susumuni, taakanon, koimaan, buburuon id dumo om
kakamot di insaru diolo gunoon.
Poomitanan:
a. Maha nogi iso no om mogot po aawi mangakan,
maha nogi ogumu om amu i ula do mangakan.
(Sisimbar: mongurak toi ko’ modtutud do kayu)
Mantad poomitanan diti, nowonsoi sundait maya koinganan tulun id
Kampung Lokos do mongurak tu ii no koubasan om buburuon diolo sabaagi
momumutanom. Sundait diti popokito koinganan sosongulun soira mongurak
tu sokiro nopo okuri kayu maan tutudai nga au songkuro rokitan nga sokiro
nogi ogumu kopio om au oburuan.
v. Kiwaa kooturan id suang ababayan mogisusundait
Soira mogisusundait o tulun maso mongomot id Kampung Lokos nga au
kawasa do managaman tu otogod i komolohingan. Managaman nopo nga
soira do oilaan mantad no sisimbar do toisoiso sundait om amu po ompus
kopio popolombus om simbaron no. Nung intangan o tudu poinlisok do
kooturan diti, okito do kooturan nopo diti nga sabaagi laang mamantang om
popokito kolinuudan kumaa isai-isai nopo i popolombus do sundait. Maya di
Informan 4, sokiro nopo aiso kosimbar do toisoiso sundait dii nga maan ii popio
om pouhoton kawagu suai tadau nga aiso nopo kopio i kaanu monimbar nga
maan posunudo sisimbar dau.
Maya do asil ponoriukan diti, haro kopiagalan do koulalaho om struktur
do sundait id Kampung Lokos miampai sundait do etnik Iranun miagal id suang