ponoriukan di Low (2013) tu kiwaa tema umum do sundait i momoguno posorili
do koposion sosongulun sabaagi do subjek sundait. Pomilian nopo subjek
montok toisoiso sundait nga popokito do koubasanan om kaantakan id suang
koposion do momogun. Montok nopo sundait do etnik Rungus i sinoriuk di
Asmiaty Amat & Lokman Abdul Samad (2014), idea kapamansayan do sundait
kogumuan aanu maya ababayan toi ko' koimaan di mionit do parai.
Kopomogunoon boros id suang sundait komolohingan id Kampung Lokos nga
haro nogi piagalan miampai toka-toki do momogun Kuantan Singingi tu
momoguno boros poinlisok om au misondikot o komoyon. Sundung do ingkaa,
haro pisuayan id aspek kopomogunoon boros pongudiaan tu haro variasi
boros pongudiaan id suang toka-toki miagal do sapo (montok tulun) om apo
(sumuku do kakamot).
4.3.2 FUNGSI SOSIAL DO SUNDAIT
Asil ponoriukan montok ponguhatan koduo nopo nga naanu mantad kaida
ponorubungan, pongintangan om soriuk kepustakaan montok do ponokodung
asil di naanu miagal id siriba:
i. Koubasanan toomod ontok timpu mongomot
Ababayan mogisusundait maso mongomot id Kampung Lokos nopo nga
koubasanan toomod mantad di laid po. Sinokodung iti di Linah Bagu & Victor
Baga (2017) do sundait nopo nga koubasanan maan roito sokiro orikot tadau
mongomot moi au ohuyan om au nogi apaasan kopio soira do mongomot.
Pinotungkus o ababayan mogisusundait mantad di komolohingan di laid po
sabaagi ralan diolo manahak ponontudukan om pomolihis kumaa tangaanak
toi ko isai nopo i karapou moi pongomot.
ii. Mogiala-ala mamarait om isai ogumu susundoiton
Nosiliu o sundait sabaagi platform montok popokito taang pomusorou
sosongulun di akawas tu i nopo di laid po om au po haro pondidikan formal.
Dadi, osiliu o sundait diti do kakamot pondidikan miampai au potilombus tu i
nopo komolohingan id Kampung Lokos nga mogisusundait maso mongomot
montok mongintong isai no i karait do sundait diolo om nogi mogiala-ala isai
ogumu o susundoiton. Maya pongintangan, sundait nopo di pinolombus do