Maya asil ponoriukan diti, haro pisuayan tokuri do fungsi sosial sundait
id Kampung Lokos miampai sundait di sinoriuk di Low & Lee (2012), tu
tumanud ponoriukan diolo, ababayan monundait nopo nga pohoroon ontok
timpu mongomot no montok mamantang sunduan do parai. Komoyon nopo
nga haro o pionitan do kopoindalanan ababayan monundait dii miampai
kotumbayaan sandad diolo. Kiwaa nogi piipiro kinoyonon di au popoindalan
do ababayan mogisusundait ontok timpu suai ko timpu mongomot miagal do
hilo Tambunan (Williams, 1963), Kadamaian om Kampung Kahung Saraiyoh.
Montok do toka-toki Kuantan Singingi, aiso o timpu poimbida kopoindalanan
ababayan mogisusundait nga haro piagalan id aspek fungsi miagal do
manahak ponontudukan, sabaagi kohiakan om popoingkawas komilaan
momusorou.
4.3.3 KOUNALAN SUNDAIT DOID KOLUMISON BOROS
KADAZANDUSUN
Asil ponoriukan montok ponguhatan kotolu naanu mantad kaida soriuk
kepustakaan montok do ponokodung asil di naanu.
Kabaalan kolumison boros nopo nga poinsuang id kurikulum Boros
Kadazandusun sikul tosiriba. Maya do DSKP BKD Toun 2, kopisoungko o
kabaalan kolumison boros miampai kabaalan suai miagal ko' kabaalan
mokinongou, moboros, mambasa om monuat. Mantad dii, maya modul
kolumison boros kaanu o tangaanak do kosiwatan mongintutun, minsingumbal
om monginonong do tungkus koubasanan tinaru Kadazandusun.
Papasarabak nogi o modul dii do kaanangan tangaanak id suang pinsingilaan
do Boros Kadazandusun om nogi popoingkawas imaginasi diolo id suang
aktiviti di noulud id Standard Pambalajalan. Manahak o komponen diti do
kosiwatan kumaa tangaanak do mokinongou Boros Kadazandusun mantad
mogisuai-suai tadon miagal ko' mantad sinding, hiis koubasanan om susuyan
di kosudong.
Maya do sundait, kasarabak o kabaalan mongintutun tungkus
koubasanan tinaru Kadazandusun tu kaanu o mongingia' do popointutun om
paparati tangaanak kokomoi kolumison boros do sundait maya pongia'an tu