vKOPONONGKOTOLUADAN
Pogulu po, mongunsikou om mamarayou oku do Kinorohingan tu minanahak doho
kolidasan tinan om kogorisan pomusarahan montok momongo ponoriukan diti. Maya
do lisi om barakat Dau i minulinau miagal do tulan om rombituon i mamabang doho
id kotuongon, poinsikit kasari o sunduan, rahi om pomusorou ku montok popoindalan
om momongo ponoriukan diti.
Agayo kounsikahan ku kumaa Kementerian Pendidikan Malaysia (KPM) om
Institut Pendidikan Guru Malaysia (IPGM) tu minanahak doho do kosiwatan minsingilo
moi do osiliu songulun mongingia' di kikualiti om abantug. Au nogi olihuan o IPG
Kampus Kent loolobi Jabatan Boros Kadazandusun tu minanahak doho do koumatan,
sokodung om tapanai okon nopo ko id suang kopoindalanan ponoriukan diti nga
montok nogi do ponginabasan ku solinaid do limo toun.
Tumilombus, mongunsikou oku di lungkitas minanapanai doho i Dr. Linah
Bagu tu au insan do ababasan manahak timpu, tapanai, ponontudukan om
pongunsuban mantad di timpuunon gisom do nopongo ku ponoriukan diti.
Sumusuhut, monongkotoluod oku kumaa toinsanan lungkitas id Jabatan Boros
Kadazandusun tu minanahak doho do sokodung om kouhupan om nogi toinsanan
koombolutan id tinimungan Kudingking & Kinomulok montok koilangan toilaan,
pongunsuban om nogi koinsasamadan maamaso ku momongo ponoriukan.
Montok paganakan om koobpinayanku, kotoluadan tu au kou otingkod do
manahak doho ponguhupan om kagarasan maya sambayang, kousinan om
pononsunudan moi do kaanu oku monolibamban kobolingkahangan daasom
popoindalan ponoriukan diti.
Maganu oku nogi kosiwatan diti montok mongunsikou do tulun id Kg. Lokos i
nokohompit do minonguhup ponoriukan ku diti miampai potilombus toi ko' au
potilombus.
Kotoluadan kumaa toinsanan.