kaakan-akanan sangaangadau om nogi panamong do tootonomon id dumo
mooi do au orumbak di tongodupot. Mantad dilo, soira nakadalan o
ponoriukan, kaanu do monorisid kawagu miampai lobi atalang kokomoi do
kasandadon om karalano do papataan ginama koubasanan tinaru Dusun id
Kampung Turuntungon Ranau, Sabah loolobi po soira kobuuk nga kaanu i
koulunan okon nopo tinaru Kadazan Dusun nga kohompit nogi i tinaru suai do
mongoi pambasa’ om koruhang no toilaan diolo. Mantad dilo, milo o
ponoriukan diti do monghuhup popointutun tinaru Kadazan Dusun kumaa tulun
suai mooi do koingokito no dati o kapansalan do kopoindalanan ponoriukan
diti.
1.6 POKOMOYON OPERASIONAL
1.6.1 Koubasanan
Koubasanan nopo id konteks do ponoriukan diti nga kokomoi do ginama di
nadadi no do iso kakamot di gunoon mantad di laid om nadadi no do
somboogian mantad do koposion tinaru Dusun id Kampung Turuntungon
Ranau, Sabah.
1.6.2 Ginama
Ginama nopo id konteks ponoriukan diti nga sumuku do kakamot koubasanan
di gunoon id Kampung Kampung Turuntungon, Ranau, Sabah montok
mamagakom dupot id tindal ko’ id bawang. Ginama id tindal nopo nga
kakamot di pataanon no om sondii no i dupot sumulung nga apagon no do
midu tu kiwaa o lawa di koogot. Ilo nopo ginama id waig nga montok manabpo
do mamaamasi di mion id waig i kibontuk kukurungan di sondii i mamaamasi
sumuang nga apagon no kosoliwan tu kiwaa o pagantob di mogisuusuai
montok iso-iso ginama