1.6.3 Pataan
Pataan nopo nga sumuku do karalano tinaru Dusun id Kampung Turuntungon
Ranau, Sabah do papataan ginama koubasanan mooi do kagakom dupot id
tindal ko’ id waig.
1 .6.4 Tinaru Dusun
Tinaru Dusun nopo id konteks ponoriukan diti nga kohompit no Dusun Bundu,
Liwan, Kimaragang om Talantang i poingion id Kampung Turuntungon Ranau,
Sabah.
1.6.5 Kampung Turuntungon Ranau
Kampung Turuntungon Ranau nopo nga 41 KM mantad do Pekan. Kinoyonon
nopo diti nga id wayaan Kota Marudu om Ranau id pialatan do Kampung
Monggis om Kampung Pinawantai.
1.7 PONGINTIGASAN
Bab nopo diti nga poinsuang no o kopointutunan, kapatayadan
kobolingkaangan, tudu om tuhot soriuk, rontob om kapansalan ponoriukan om
nogi pokomoyon operasional dii koponguhup do kopoindalanan ponoriukan
kokomoi ginama koubasanan tinaru Dusun. Kinoyonon nopo do ponoriukan
diti nga id Kampung Turuntungon, Ranau i kakal po do momoguno ginama
sabaagi kakamot montok popotilombus koposion.