Dusun id Kampung Turuntungon Ranau. Suai ko’ ilo, mogilo nogu do karalano
papataan ginama nga adadi nogi do lontog ponoriukan diti. Montok dilo,
ponoriukan nopo diti nga poindalanon id Kampung Turuntungon montok
monimung do data om toilaan kokomoi do ginama koubasanan tinaru Dusun
id Kampung Turuntungon, Ranau.
2.6 PONGINTIGASAN
Ginama nopo diti nga tinungkusan mantad do komolohingan di pogulu po
sabaagi iso kakamot di asaru gunoon montok mongintorus sabaagi iso toud
do protein toi ko’ taakanon koulunan di pogulu (Dayu Sansalu, 2008, Felix
Tongkul, 2007). Suai ko’ akanon, asil nopo do ginama nga maan nogi
padagango hilo badi montok mogihum tusin pomoli do kabagalan id walai suai
ko’ asil mantad dumo. Mantad dilo, oponsol no daa kopio do togulion kawagu
o toilaan kokomoi do ginama mooi do au atagak dadi maya do teori om
ponoriukan di pogulu po, milo do gunoon sabaagi sukuon montok mongilo
ginama koubasanan tinaru Dusun id Kampung Turuntungon Ranau, Sabah.