BAB KOTOLU
METODOLOGI PONORIUKAN
3.1 KOPOINTUTUNAN.....................................................................
Bab nopo diti nga manahak do kointalangan kokomoi do ginama koubasanan
tinaru Dusun id Kampung Turuntungon Ranau, Sabah ii kaampai o reka
bontuk ponoriukan, kointalangan informan om kinoyonon ponoriukan,
instrumen ponoriukan, prosedur ponimungan data om nogi prosedur
momorindak data.
3.2 REKA BONTUK PONORIUKAN....................................................
Ponoriukan nopo di pinoindalan nga kokomoi do kasandadon om karalano
papataan ginama koubasaan tinaru Dusun id Kampung Turuntungon Ranau
dadi kopionit no do sosiokoubasanan. Mantad dilo, rika bontuk nopo do
ponoriukan di noguno nga ponoriukan etnografi om minomoguno do kaida
kualitatif pinoindalan. Tumanud nopo di Siddiq om Salama (2020), etnografi
nopo nga iso kawo pongintangan di kopionit do antropologi dii minsingilo
kokomoi do kaantakan koubasanan om popointalang do kopooposion do
subjek di maan intangai. Id konteks dilo, orotian nogi o etnografi diti sabaagi
sangai do koubasanan isoiso tinaru maya do toilaan di naanu damot do
pinoindalan o monoonoriuk do ponoriukan id gana miampai poinfokus kumaa
do kobolingkaangan di nakatantu. Suai ko’ ilo, ponoriukan kibontuk etnografi
nogi nga kokomoi do koposion om koubasanan do isoiso tinaru miagal ko’
kaadat’adato’, kooturan, inus, kotumbayaan om nogi boros (Endraswara,
2015:22; Engkin Suwandana, 2020). Sumusuhut, kawo nopo do etnografi id
ponoriukan diti nga etnografi mikro di kirati do ponginmurian di olinahas om
popohompit do iso no kaantakan (Sri Sadewo id suang Bungin, 2012). Montok
dilo, kosudong kopio o reka bontuk etnografi mikro montok do ponoriukan di