poindalanon tu poinspesifik kokomoi ginama no om iso no kinoyonon di
kohompit.
Dadi, montok kopoindalanan do ponoriukan diti, minomoguno do
ponginsamakan kualitatif tu kiwoyo do fleksible i no ii kaanu rumalad maya do
koburuon ponoriukan di pindalanon. Ahal no dilo do kaida kualitatif nga
popohompit do poninduan induktip montok mamarati do kaantakan miagal ko’
sajara’ om koinganan sosongulun dii (Basri, 2012). Kointalangan dilo nga
sinokodung do ponoriukan di Jasmi (2012), tu ka disio, kaida’ nopo diti nga iso
goos montok manganu kointalangan do koulaulaho om kaantakan do
koulunan maya momoguno pogintangan poinggonop kokomoi kaantakan
sosial.
Kaida diti kopitindu kopio do bontuk ponoriukan etnografi di
poindalanon tu kohompit o pongintalangan om pomorindakan do ekonomi
isoiso tinaru dii (Creswell, 2005 d suang Jasmi, 2012). Montok dilo, minog do
mongoi kopio i monoonoriuk sungod id kinoyonon ponoriukan om nuru do
mongimuri kokomoi do ahal dii ilo’on maya ponorubungan, pogintangan do
kaantakan di nadadi, monoriuk do dokumen di haro om posuaton id sinuratan
ponginmurian lapangan (Sunaryanyto, 2021). Id konteks dilo, kosudong kopio
o kaida dau tu yoku nopo nga mogiigion id Kampung Turuntungon dadi kaanu
oku mongoi id gana ponoriukan om mongoi ruba di inform dii nopili montok
mmonimung toilaan om data maya ponorubungan, pogintangan om
pomorindakan dokumen kokomoi kasandadon om karalano papataan ginama
koubasanan tinaru Dusun id Kampung Turuntungon Ranau, Sabah.
3.3 INFORMAN OM KINOYONON PONORIUKAN.................................
3.3.1 INFORMAN
Informan nopo di kaampayat id ponoriukan diti nga soginumu 5 tulun mogigion
id Kampung Turuntungon Ranau i kiumul mantad 35 gisom 78 toun. Koinsanai
informan diti nga tulun sandad id Kampung Turuntungon Ranau, Sabah i