Mantad do kointalangan id sawat, minog kopio do kiwaa o katapatan
om komilotumbayaan id ponoriukan di poindalanon mooi do milo o data di
naanu do gunoon tulun ginumuan. Montok dilo, iso nopo laang montok
momodimpot katapatan om komilotumbayaan nga maya teknik triangulasi
data. Triangulasi nopo diti nga pomogunoon do mogisusuuai toud data, kaida
ponimungan data om analisis (Bailey, Merriam, Othman Lebar id suang Hj
Iksan et, al, 2016). Ahal diti tu tikid do data di naanu mantad iso teknik nga
milo do inggiratan teknik suai. Id konteks dilo, triangulasi nopo di gunoon id
ponginsamakan kualitatif nga kiwaa duo kawo, kumoiso, triangulasi id piolitan
kaida i poindalanon momoguno ponimungan data maya pogintangan,
ponorubungan om analisis dokumen. Montok mogintong do katapatan data,
minog i mononoriuk do popotonggoi teks, toud om gambar sabaagi
koimbulayan. Hapas do kiwaa o koimbulayan mantad pogintangan, maan nogi
no susuhuto do koimbulayan ponorubungan i poindalanon maya laang di
miagal.
Kumoduo, triangulasi id suang do kaida i maan poindalano maya
momoguno do laang pogintangan om ponorubungan di maan suguto montok
tikid mamaampayat ponoriukan. Maya do karalano diti, kokito o mononoriuk
do kiwaa o ahal di pisugut-sugut do mamampayat miagal ko’ nung uhoton
kokomoi kawo ginama tindal ka nga, kiwaa o ongo apat o mamampayat di
mamarait ngaran ginama di miagal. Ahal miagal diti kopogirot do kotumbayaan
id asil ponoriukan di naanu-anu. Montok dilo, osonong kopio o teknik
triangulasi data diti do gunoon montok popoingkawas katapatan om
komilotumbayaan do data di naanu tu milo popiradon.
3.5 PROSEDUR PONIMUNGAN DATA...............................................
Tumanud nopo di Rashid Moten (1998), oponsol kopio o mononoriuk do
tumanud prosedur di pointantu mooi do data nopo di aanu nga momoguno
laang di kaanu do papaasil ponoriukan di otopot, relevan om kigatang miampai
pointindu do ula gana ponoriukan. Montok dilo, kiwaa piipiro o prosedur di