BAB 4
ASIL SORIUK
4.1 KOPOINTUTUNAN.....................................................................
Bab nopo diti nga popointalang do asil soriuk di nokoindalan montok monimbar
do tuhot soriuk kumoiso om nogi kumoduo. Suai ko’ ilo, kiwaa nogi piipiro
gambar di pinotonggoi mooi do lobi atalang om ogoris o asil soriuk.
I. Nunu o kasandadon ginama koubasanan do Tinaru Dusun id
Kampung Turuntungon Ranau, Sabah?
II. Poingkuro karalano papataan ginama koubasanan do Tinaru
Dusun id Kampung Turuntungon Ranau.4.2 KASANDADON GINAMA KOUBASANAN DO TINARU DUSUN ID
KAMPUNG TURUNTUNGON RANAU, SABAH
Tumanud do ponorubungan miampai do informan ponoriukan analisis do
dokumen noilaan do iti nopo ginama koubasanan id Kampung Turuntungon
nga abaagi kumaa duo, ginama id tindal om id montok id bawang. Id ahal diti,
okito dati o kasandadon do ginama id konteks kopomogunoon do kakamot
sandad montok momonsoi ginama om nogi kasandadon id aspek tadon
ginama.
4 .2.1 Kasandadon Id Aspek Tadon Ginama
Maya do asil ponorubungan miampai informan om pomorindakan dokumen,
kiwaa limo o kawo do ginama di koubasanan id Kampung Turuntungon Ranau,
Sabah ii no i rodsot, sungul, barabai, bubu om tambong. Tikid do ginama diti
nga poinsandad no mantad id kampung Turuntungon. Ahal diti itu, ginama