nopo dilo nga notungkusan mantad do komolohingan di laid gisom i dii
sumolusuk do babaino. Ointalangan o binoros do informan dilo mantad do nuut
gana di informan C i kopokito do ilo nopo ginama di gunoon do tinaru Dusun
id Kampung Turuntungon babaino nga miagal i kopio di laid. Suai ko’ ilo, au
nogi nakaamit mantad do tulun toi ko’ tinaru suai o ginama diti suai ko’ kiwaa
no o kopiagalan nga agayo i o pisuayan di okito. Tumanud nopo do monuunuat
miagal ko’ id buuk di Anthony Saimon (2015) om Dayu Sansalu (2008), di
nokopotolinahas kokomoi ginama, sungul om bubu no i asaru do oboros dadi
aiso po i nakarait do kawo ginama di nosoriuk id ponoriukan diti miagal ko’
rodsot, barabai om tambong. Dadi, ahal diti kopokito kogingohon do ginama
koubasanan tinaru Kadazandusun. Montok dilo, kointalangan do kawo ginama
koubasanan tinaru Dusun id Kampung Turuntungon Ranau i numaan onuai do
label id boogian-boogian ginama suminuku do dokumen nuut tikid tadau
informan nga okito id nuludan 4.
Nuludan 4,
Kawo Ginama Koubasanan Tinaru Dusun Kampung Turuntungon Ranau
Ginama Tindal
1. Ngaran Ginama : Rodsot
Gambar miampai label ngaran boogian ginamaTolokison Tompuut^Lawa’