Olitan do saap Powonsoyon o lawa
7 Karalano Papataan rodsot
8 Karalano papataan sungul
Maya asil ponorubungan, pogulu po papataan do sungul di winonsoi, mongoi
po id gouton montok mogium tangau paagatan do pongubas di koowit po do
sungul om koowit di bosing dii sumunsui. Kopihuyud kopio o ponoriukan diti
miampai do ponoriukan di Anthony Saimon (2015) i nokoboros do milo ilo
sungul pataanon hombo nopo tumanud do pongupan dau. Dadi montok do
koubasanan tinaru Dusun id Kampung Turuntungon Ranau, Sabah, maan
nopo onuo do pongubas nga lonot piasau di linapak kumaa duo om pinoogot
id tangau montok paakanan di dupot. Tumilombus, soira nopo do orikot ongo
apat tadau, ngoyon nogi taanai do sungul nga kada andado do aawi i tubas
om ngoyon nogi taanai tu aiso no gulion di tongodupot. Nokoboros i informan
E do nunu nopo it pongubas nga iri no tupan di sungul. Dadi, timpu no diti do
ogumu kosulung tu noubas no i dupot miagal ko’ tikus, bosing, kandagi,
kongkotung, tontoburui om sopuan di minongongoi pangakan do tubas.
Sumusuhut, soira nopo pataan di sungul nga suilon it tonsi piasau
mantad di tompurung id bontuk apat pasagi om ongo soinsi satanga,
posuangon id lopong om todokon di tolokison tu au nopo nga aiso no o
kawakas. Hapas dii posowiton po lokison id tungkoling, pasansangon nogi di
tolokison i pinonodok do tubas om maan nogi ndo powonsoyo i lawa id kabang
(^)