9 Karalano papataan barabai
Tumanud do pogintangan di monoonoriuk damot minoi tanud papataan di
ginama miampai informan i oimbulayan maya nuut tikid tadau, kiwaa o
piagalan do karalano papataan rodsot om barabai. Ahal dilo tu miagal i do
laang di tonudon pogulu po pataanon i ginama tu mongoi po pogihum
kinoyonon id gouton di totolibon do dupot om maan no oyupai. Andadon
sominggu gisom apatai po it tayup om pataanon nogi i barabai mooi do oubas
nondo i dupot do minwaya di numaan iwang- iwangai tu ka di informan E, au
nopo miagal lo nga modsigo no dupot om au no sulungon i ginama.
Ralan nopo ndo papataan nga manganu do tokudon, kayu di
okodou, hapas dii manganu do duo tarapang montok ponodok di birian tu au
nopo nga obinsakat. Atadakan po om undaon nogi. Karalano nopo mongunda
nga gayaton i tolokison papasawit id birian, papasangon no it giman om
powonsoyon no i lawa’. Maya asil ponorubungan, nokoboros i informan D do
osonong nung ko maan pasangai i barabai duo giman tu au katahub i dupot id
giman tiso nga haro iso kawagu do otohuban tu nung ko’ iso no om au kopio
anamit i ginama. Dadi, nung pataanon o barabai do minsosodop nga ngoyon
intangai susuabon mooi do haro timpu di dupot kosulung di barabai.
- Manganu do tokudon 2. Manganu tarapang ponodok
(^)