pooginiton nogi ponong tuwou, maan nogi tutubai do tompurung. Hapas dii,
mongoi id kalagadan om ungkudan i kowotuan gisom kasatanga’ di bubu o
korolomo, maan no olitai do watu di misuhatan om olig-oligan nogi ponong
siba mooi do au orulun. Sumusuhut montok nopo do panganu rokot nga au
tagal do upanan. Dadi, soira pataan momili no do boogian bawang id
kalagadan dii ogumu watu om ungkud-ungkudan gisom kasatanga di bubu om
maan no poodopo ponong siba o garau.
Suai ko’ ilo, montok doid tolomom, koubasan nopo nga maan upanai do
mondok toi ko’ kasou di linugu gisom owongi mooi do kagayat di tongosada
miagal ko’ nga turongou om tinggim moi sulung di bubu nga tumanud i
kinogoyoo do garau o kinogoyoo do sada di kosulung. Karalano nopo do
pataan tumanud di informan D nga posuangon i mondok di nolugu id bubu om
mongoi no pogihum boogian bawang di kiliwotung. Suangan no do watu
panambagat i bubu om powilion no, ingkuro nopo karalano powiliu nga kada
po do potimburulu tu au osulung do sada.
Montok nopo do panganu botuan nga ontok do timpu kopongontoluan
no om au upanan. Pataanon o bubu id tompuraason toi ko’ garakan di oribau
o waig tu id ongoribau o pogontoluan botuan. Karalano nopo do papataan nga
maan poungkudo’ i bubu gisom do asatanga om tounan no do watu ongokoro
id mitongisan di tinan. Hapas dii, kuaan do watu id kabang do bubu mooi do
kounali di kowotuan om kosulung no i botuan. Montok dilo, nuludan id suriba
nopo nga koimbulayan do gambar karalano papataan do bubu di nupanan
mondok id liwotung
- Luguon mondok gisom owongi 2. Posuangon id bubu
(^)