БИЛЈАНА ЃОРЕВСКА
ЕСЕНСКИ БРАНУВАЊА
Есенско тивко утро
се слуша шумолот на
листовите кои се ронеа
од гранките на дрвјата.
Волшебен килим на земјата.
Прстите нежно се протегаат
по нотите од пијаното,
испуштаат тивка мелодија.
Ги слушам твоите чекори,
а твојот лик, во моите мисли.
Те довикувам во тишината,
нашиот глас да затрепери.
Ветерот ми ги милува косите,
секој чекор си поблиску до мене.
Јас свирам и пеам за тебе.
Ти го исполни моето срце со љубов.