2019-04-01_Wildlife_Ranching_Magazine

Verskeie lede van die wildbedryf vra gereeld:

“Hoekom word mitochondriale en nukleêre toetse op

die DNS van swartwitpense uitgevoer?”

Om hierdie belangrike vraag as Bona Bona te

beantwoord stel ek voor ons begin by die begin.

In 2009 het ons in die Gravelotte area grond

aangekoop. Daar het Bona Bona by intensiewe

swartwitpensteling betrokke geraak.

Oor die jare het ons waargeneem dat wanneer

Zambiese swartwitpensbulle op Matetsi-koeie gebruik

word om sogenaamde gekruiste (of intermediêre)

diere te teel, noemenswaardige sukses behaal het

met horinglengte en liggaamsgrote.

Toe ons in 2011 die superbul 49" Magic aankoop, was

ons doelwit om swart swartwitpense te teel. Dit het

gekom nadat ons in die negentigs Matetsi diere by

Dr Johan Kriek en Ian Blackwood aangekoop het en

reeds verskeie swart swartwitpens vroulike diere

gehad het.

Deur die jare het ons steeds sorgvuldig geselekteer

en hoë kwaliteit Matetsi vroulike diere aangekoop

om by Magic te loop. ’n Tweede Matetsi-kudde is in

2014 geskep met Flare as die teelbul.

Oorspronklik het ons mitochondriale DNS-toetsuitslae

gebruik om Matetsi-diere te koop. Toe nukleêre

toetse beskibaar word het ons dít gebruik om

akkuraat Matetsi-diere te koop wat as bo 80% Matetsi

deur hierdie toetse aangedui is.

Wanneer ons oor Zambiese swartwitpense gesels,

is dit belangrik om te noem dat hierdie tipe

swartwitpense se vroulike diere ’n aantreklike

rooibruin kleur het.

Bona Bona se fokus het in 2012 op Zambiese

swartwitpense geval met die aankoop van ’n

aandeel in die pragtige 51" Charlie. By Thaba Tholo

het ons ’n Monster seun, Moseme uit die Nike-

bloedlyn bekom.

Ons het ons Zambiese diere deur middel van

mitochondriale toetsuitslae aangekoop. Later het ons

ook op diere gekonsentreer wat as 80%+ Zambies

deur nukleêre toetse aangedui is.

Huidiglik teel ons by Bona Bona met drie Matetsi

troppe en twee Zambiese swartwitpenstroppe wat

ons so suiwer as moontlik hou deur gebruik te maak

van DNS-toetse wat suiwerheid aandui.

Sover het ons reeds sowat 300 swartwitpense met

nukleêre toetse ontleed.

Ek moet noem dat ek aangenaam verras is met die

duidelike ooreenkomste tussen die resultate van ons

nukleêre DNS-toetse en die waarneembare fisiese

voorkoms en merkbare fenotipiese eienskappe van

ons swartwitpense.

Ons het ook reeds geleer uit die teling van rasegte

beeste dat suiwer rasse hier is om te bly. Bona Bona

gaan die toekoms in met suiwer troppe.

Terselfde tyd besef ons die krag wat in kruisteling lê.

Dít het ons waargeneem in Gravelotte, asook by

Tembani waar ons die sukses van kruiskrag sien. By

Bona Bona beplan ons om suiwer Zambiese bulle

by suiwer Matetsi-koeie te gebruik om sodoende ’n

kruisgeteelde trop van formaat te vestig.

Alhoewel gekruiste bulle van 50" se getalle minder is

as suiwer bulle se hoeveelheid 50" bulle, glo ons dat

ons program om suiwer diere met suiwer diere te kruis

ons by die 55" horinglengte gaan bring, aangesien

gekruiste diere reeds bewys is om langer horings

te teel.

Hier is ons swartwitpens-planne opgesom:

Plan A: Die uitbou van suiwer troppe

Plan B: Die gebruik van 50"+ Matetsi genetika op 50"+

Zambiese genetika en andersom

Doelwit:Dieteelvan55"swartwitpensbulle

SWARTWITPENSE EN HUL DNS

Die Bona Bona standpunt, deur Pieter Ernst jr.

3

DE

PLATINUM-VEILING

bonabonagamebreeders.co.za

Pieter Ernst (jr) 082 925 3662

[email protected]

Bona Bona Game Breeders is terug met

ons 2019 Local is Lekker!-veiling

25 Mei 2019, 10:30, Saterdag,

Bona Bona-Wildkompleks

BESKIKBAAR OP BONA BONA

SE 3DE PLATINUM-VEILING

92% Zambies

Charlie-seun:

464 / 8 " Namwanga

(Blou 302)

90% Matetsi

461 / 8 " Magic-

seun (Blou M16)

48