unë e vrava verën -LIBËR me kopertinë
Alma Ibi Zekollari
- Ja dëgjo, lule, moj lule e bukur, sa e mrekullueshme qënke bërë me
ato petalet e tua rozë, sa ëmbël po na përshëndet. Ajo tani na dëgjon, -
vazhdonte të thoshte. - E di ti, Eleni, që ajo i dëgjon fjalët tona dhe
kënaqet? Kështu ajo rritet më shumë dhe çel lule më të bukura. Eleni e
dëgjonte dhe i qeshnin sytë.
Iu afrova lules. I preka petalet. Sa të brishta! «Kështu është edhe
shpirti i një artisti si ajo», mendova. Një erë e lehtë dhe e ngrohtë fryu atë
çast. E ndjeva përkëdheljen e saj mbi petalet e luleve. Ajo ndjesi u pëcoll
brenda shpirtit tim. Ajo ndjesi ishte përcjellë prej saj atë ditë brenda meje,
atë ditë kur ajο i tregonte Elenit dhe Kristinës për miqësinë e saj me lulet,
për ato që thoshte me nipin e saj, për çastet e fëmijërisë që sillte para syve
të tyre kureshtarë. U tregonte si kishte reaguar kur kishte zbuluar vezët e
klloçkës, si i ishte lutur nënës së vet të mos ia merrte vezët, por ta linte të
nxirrte të vegjlit e saj. U tregonte si ajo e ndiqte fshehur derisa zogjtë e saj
u rritën..., e plot e plot histori të tjera.
E ndiqja me sy kur fliste me to mëngjeseve dhe e ndieja se për atë
shpirt fisnik të gjithë fëmijët e botës ishin nipërit dhe mbesat e saj. Ajo
krijonte aq bukur lidhje të ngrohta me ta, duke i bërë të ndihen bukur dhe
të besojnë në mrekullitë e marrdhënieve njerëzore.
- Unë të kam parë në shumë filma, - i thoshte Eleni, edhe atë filmin
me shumë borë e mbaj mend. Tani je më e bukur se atje.
- Atje ishte në rol, ashtu duhej të vishej, - ndërhynte shpejt e shpejt
Kristina që vazhdimisht përpiqej të korrigjonte Elenin e cila, si më e vogël
që ishte, hidhte ashtu shkujdesshëm fjalët e saj, pa i menduar shumë.
Unë shikoja fytyrën e saj që shkëlqente.
Ajo qeshte me fjalët e tyre dhe në sytë e saj rrezatonte një shkëlqim i
veçantë. Fillonte dhe iu këndonte pjesë nga këngët e filmave