L’ùominu russu[...]
Rote de fuocu l’uocchi sgargellati
e luonghi e niuri i capilli lanuti
had’illu, cumu chilli dei dannati;
Fussiru ‘mberu janchi, ma tingiuti
si l’ha ccu’ ‘na pumata, e dd’ ‘u muscune
sue li pili sû tutti ‘ncatramati;
Èdi d’atizza quantu Napuleune
ma cchiù valente assai pue ppe’ bravura...
ca nun ce stadi nullu a paragune
ccu’ ll’uomu russu de Dicollatura.
È ffigliu de Dio Marte e dde’ ‘na fata
ed è natu ‘ntra i faghi ‘e Riventinu
‘stu cicropune, ‘stu garibardinu
chi tutta la Calabria had’unurata;
De pìcciulu mustrava gran curaggiu
e jìadi sulu a caccia di li lupi
dintra li vùoschi, supra li dirrùpi;
a dece anni struggìu llu brigantaggiu.
Le sannu i viecchi de lu Praticiellu
tutte le sue prudizze de quatraru
ca si nde parri ccu’ ‘nu pecuraru