Li veri opportunistiNci sù l’opportunisti pé natura,
Cuntenti tutti senza vucch’amàra;
Tutti li leggi accettan’a bon’ura...
Di cìnnari o farìna, sù crisàra.
Tra la gnuranza e la vigliaccaria
Si mbàrdanu e nun sannu mai pecchì;
Di capizza tiràti a la campìa,
Abbàscianu la testa e dinnu: sì...
Ma poi nci sù l’opportunisti veri
Chi cangianu culuri pé dinàri:
Di chisti (malanova mu li peri)
Cui noi li ncàppa... s’havi di guardàri.
Pé cchisti, non c’è credu e nnò partìtu,
Si jéttanu, undi ncé di profittàri:
Tràdinu a Crìstu nchiesa e ad ogni sìtu
Jocandulu cù carti di pezzari!...
Di li difetti, ncé cù l’havi tutti,
E chisti sù li grandi farabutti!,
E se nsiamài sù menzi ntilligenti,
Sù li cchiù perniciùsi dilinquenti!...
I veri opportunisti ─ Ci sono opportunisti per natura, /
Contenti tutti senza bocc’amara; / Tutte le leggi accettano