Epigrafi a “La Trazzera”1
Ancòra, semu ancòra li Sicani,
Però nni scurri russu ‘ntra li vini
l’anticu sangu di li Saracini,
c’adduma comu voschira e vurcani!
2
Ogni cori di Sicilia
è vurcanu quannu adduma,
e lu sangu di li vini
un marusu senza scuma!
3
Stirpi nostra, stirpi antica
di mill’anni e cchiù ‘nnarreri;
si lassastivu li casi,
li campagni e li trazzeri
riturnastivu cantannu
comu fannu li guerreri!
(1927-34)
da: Prime e nuovissime, 1983.
Epigrafi a “La trazzera” ─ 1 ─ Ancora, siamo ancora i
Sicani, / però ci scorre rosso nelle vene / l’antico sangue dei
Saraceni, / che svampa come boschi e vulcani.