Versi pi la libirtàAmmanittati lu ventu
si criditi
ca vi scummina li capiddi
lu ventu ca trasi dintra li casi
pi cunurtari lu chiantu.
Ammanittati lu chiantu
si criditi
di cuitari lu munnu
lu chiantu ca matura ‘ntra li petti
e sdirrubba li mura
e astuta li cannili.
Ammanittati la fami
si criditi
d’addifinnirivi li garruna
ma la fami nun havi vrazza
lu chiantu nun havi affruntu
lu ventu nun sapi sbarri.
Ammanittati l’ùmmiri
ca di notti vannu pi li jardina
a mèttiri banneri supra li petri
e chiamanu a vuci forti li matri
ca nun hannu cchiù sonnu