TEVFİK FİKRET

şimdi aczin sükût-i giryânı,
şimdi kahrın sahîl-i şükrânı;
şimdi bir hutbe-i cezîl ü vecîz,
şimdi şermende bir niyâz ı marîz;
şimdi bir hande, şimdi bir hafakan,
şimdi dehşetli bir gurîniş olan -
mütelâtım tevelvülâtiyle
inliyen kubbe-i tehî söyle!..
Söyle, sen her sadâye mağkessin,
şu hayâhay içine hangi sesin
aksi - fevkında iğtilâfermûd
olan - eyvân-ı Kibriyâya su’ûd
edebilmiş, ve söyle hangi du’â
müstecâb olmuş?.. Ey İlâh-i semâ!
Seni âbâ-i dîn olanlardan
dinledim: "Bîşebîh ü bînoksan,
"hayy ü kayyûm ü kadir ü müte’âl,
"bâsıturrızk, vâhibülâmâl,
"kahir ü müntakim, alîm ü habîr,
"zahir ü bâtın ü semî’ ü basıyr,
"müstmendâne sâhib-i nâsır,
"zâtı her yerde hâzır u nâzır..."
Diye vasf eyliyorlar. En parlak
sıfatın "Lâşerîkeleh !"ken bak,
şu bataklıkda kaç şerikin var?
Hepsi kayyûm ü kadir ü kahhâr.
Hepsinin "Lâşerîkeleh!" sıfatı,