manahak rahung kumaa koonuan boros do tangaanak (Sa’adiah Mat Ali, 2011).
Kokuan nopo nga paganakan no i bobos tosomok kopio do tangaanak. Mantad dilo,
boros i gunoon do paganakan nopo nga kotilombus om osiliu do koubasanan boros
id suang paganakan dii.
Faktor di kumoduo nopo nga faktor posorili. Tumanud di Noriati A. Rashid, Boon
Pong Ying & Sharifah Fakhriah Syed Ahmad (2017), kaanu o tangaanak toi ko’
sukod wagu do toilaan wagu maya do nunu i okito om nunu i orongou diolo mantad
do posorili miagal ko’ soira yolo milumaag miampai tambalut toi ko’ tulun ginumuan.
Faktor tagayo di kumotolu nopo nga faktor topurimanan. Faktor kopomogunaan
boros Kadazandusun do sukod wagu id Kampung Lobong-Lobong nopo nga haro o
topurimanan diolo do oponsol iti boros Kadazandusun. Tumanud nopo do ponoriukan
di nakadalan, sukod wagu nopo di kopuriman do oponsol o boros Kadazandusun nga
sukod wagu di kokito do okuri nodi o tangaanak i moboros do boros Kadazandusun.
Mantad dilo, kopuriman yolo do oponsol maan potilombuso iti boros mooi do au
atagak.
2.2 Faktor Kopomogunaan Boros Melayu
Bil. Faktor Kointalangan- Kowoowoyoon i. Amu koilo moboros do boros Kadazandusun
- Paganakan i. Moboros do boros Melayu o molohing kumaa tanak
ii. Noubasanan moboros boros Melayu mantad di okoro po
iii. Pisasawaan molohing di mirolot - Posorili i. Kinoyonon suminukod nopo nga id bandar
ii. Tulun id posorili momoguno do boros Melayu - Topurimanan iii. Lobi osonong mamarati boros Melayu
iv. Kopuriman do lobi oponsol iti boros Melayu ko’ boros
Kadazandusun
Jadual 2. Faktor Tagayo Kopomogunaan Boros Melayu do
Sukod Wagu id Kampung Lobong-Lobong
Mantad do jadual id sawat, okito tokou do haro apat faktor tagayo kopomogunaan
boros Melayu do sukod wagu id Kampung Lobong-Lobong. Faktor kumoiso’ nopo