BOROS SIRIBAN TULUN DUSUN ID KAMPUNG RUGADING BARU,
KOTA MARUDUDEBBIE MISHA ANIM
SINIT@JOHN BIN GITOMJABATAN BOROS KADAZANDUSUN IPGK KENT TUARAN
[email protected]ABSTRAKTinaru Kadazan Dusun nopo nga tinaru di momonsol kopomilian do boros om istila pointantu
suang pilumaagan tu nasandadan do woyo mamantang kumaa tisom-tiso. Ii nopo nga
ointalang mantad koubasanan tinaru di momoguno boros siriban kumaa tulun di nokowonsoi
ahal di au osonong om misulak mantad nunu di korohian. Mantad dii, pinoindalan o’
ponoriukan diti montok momohuyad kopomogunaan boros siriban komolohingan sabaagi do
bontuk kopogiromutan id aspek do kawo, rati om fungsi boros id Kampung Rugading Baru,
Kota Marudu momoguno do iso poginsamakan Kerangka Keraf (2007). Metodologi nopo do
ponoriukan di noguno nga deskriptif kualitatif maya pogintangan, pomorekodan data, om
ponorubungan momoguno do analisis teks kualitatif. Asil analisis data nokointalang do
soginumu 19 boros siriban komolohingan Dusun komilo pointalangon momoguno tolu woyo
boros tumanud poginsamakan Kerangka Keraf (2007), ii no boros ironi toi ko’ siriban misulak
fakta, sinisme sabaagi siriban opodos om sarkasme sabaagi do siriban poinlontog. Asil
ponoriukan nogi popokito do kopolombusan boros siriban kikorotian di aralom om kifungsi
sabaagi do manahak kointalangan, ponuhuan om kookunan id bontuk pononsunudan,
pogoduhan, pason om ponuhuan. Sogu poginsanangan ponoriukan diti nopo nga
popoindalan ponoriukan di lobi aralom kokomoi boros siriban miampai au poinlongkod do
isoiso poginsamakan mooi do osoriuk ngawi o’ kawo siriban id Boros Dusun.
Kunsi Boros: Boros Siriban, Rati, Fungsi, Tulun Kadazan Dusun, Ponginsamakan Kerangka
Keraf