Sompuruan Artikol Jurnal Ponoriukan PISMP Koonuan Mahas 2018 (BKD, SK)

Sumusuhut, montok do mogihum faktor-faktor do kopomogunaan isoiso boros
dominan sabaagi boros gunoon di komolohingan kumaa tangaanak id walai nga’
maya nogi foom uhot soriuk om sokodungon do ruba wara. Dadi maya nopo do data
di aanu nga’ maan analisis momoguno kaida kuantitatif om kualitatif. Panganalisisan
nopo do data id ponoriukan diti nga’ sokodungon do dokumen maya analisis
dokumen.

Montok nopo do ponoriukan diti nga’ manganu oku do 85 molohing sabaagi
do sampel. Kopomilian sampel nopo nga’ sampel kituduan hinonggo do responden
nopo di pilion nga’ kopomonu pongontok di pinatayad. Kopomilian nopo do sampel
diti nga’ maya ginumu populasi id Kampung Togudon Penampang hinonggo do
kiwaa 108 paganakan toinsanan om sampel nopo di pinili nga’ 85 molohing di kiwaa
no tanak, mantad tinaru Kadazandusun om poingion id Kampung Togudon
Penampang, Sabah.

Asil Ponoriukan

1. Mongilo kopogisuusuaian boros dominan di gunoon komolohingan sabaagi
   boros gunoon kumaa tangaanak.

Tuhot Ponoriukan 1:

Nunu kopogisuusuaian boros dominan di gunoon do molohing sabaagi boros gunoon
kumaa tangaanak?

Rajah 5.0 Kopomogunaan Boros

63 (74.1%)

21 (24.7%)

1 (1.2%)

KOPOGISUUSUAIAN BOROS DOMINAN DI GUNOON DO MOLOHING

SABAAGI BOROS GUNOON KUMAA TANGAANAK

BOROS KADAZANDUSUN

BOROS MALAYU

BOROS INGGILIS

85 Responden