Sompuruan Artikol Jurnal Ponoriukan PISMP Koonuan Mahas 2018 (BKD, SK)

Aspek Kointalangan

A+B = Puun Molohing

C om D = Tanak di AB, Mioput Pusod (Miadi-adi)

TP- Toput Pusod

E om L = Pinsan Koiso

F om M = Pinsan Koduo

G om N = Pinsan Kotolu

H om O (^) = Pinsan Kaapat
Rajah om jadual id sawat nopo nga popokito do pionitan piobpinayan id suang do
puun paganakan tagayo (Amman Sirom Simbuana & Benedict Topin, 2017).
Kooturan adat pisasawaan tinaru Dusun id Kampung Bundu Tuhan Ranau, Sabah
nopo nga amu papasaga do pisasawaan di haro pionitan raha mantad do mipinsan
koiso gisom mipinsan kaapat. Mantad do analisis di nowonsoi, haro apat kawo sogit
pitas id adat pisasawaan tinaru Dusun id Kampung Bundu Tuhan Ranau, Sabah.
Kawo-kawo do sogit pitas nopo dii nga miagal do sogit pitas mipinsan koiso, sogit
pitas mipinsan koduo, sogit pitas mipinsan kotolu om sogit pitas mipinsan kaapat.
Kawo-kawo sogit pitas diti koimbulai soira haro pisasawaan id pialatan do kopinsan.
Soira haro o pisasawaan id pialatan do kopinsan nga koontok do sogit pitas.
Bontuk-Bontuk Sogit Pitas Id Adat Pisasawaan Tinaru Dusun Id Kampung
Bundu Tuhan, Ranau Sabah
Bontuk sogit pitas nopo diti nga misuai-suai tumanud kinoyonon om watas.
Ralan papatantu bontuk sogit diti tumanud do koubasanan tinaru id kinoyonon diolo
(Kalsia Martin, 2009). Bontuk-bontuk sogit pitas id Kampung Bundu Tuhan Ranau,
Sabah nopo nga miagal do tayam gompion om haro nogi kakamot. Bontuk sogit pitas
diti pinatantu di luguan kampung om tulun-tulun di angabaal id sogit adat pisasawaan
tinaru Dusun maso kaantakan do mihaboi.
Sogit Pitas Bontuk-bontuk sogit pitas
Mipinsan koiso (^)  Kakamot om tayam
 Soroturu-turu
 7 kawo (kakamot / tayam) om ginumu monikid
kawo nopo nga turu
 Turu karabou, Turu Sapi, Turu Wogok, Turu
Kambing, Turu Manuk, Turu Tagung, Turu
Kakanan