Sompuruan Artikol Jurnal Ponoriukan PISMP Koonuan Mahas 2018 (BKD, SK)

Asil Soriuk Om Pibarasan

Tuhot Soriuk koiso

Boros puru nopo nga’ iso’ kinoilaan komolohingan tulun Kiau di laid soira sumuang id
puru. Boros nopo diti nga’ gunoon tulun Kiau di laid maamaso mongintorus id puru tu’
iti nopo boros nga’ orotian di sunduan posorili id puru. Tudu nopo diolo momoguno
diti boros nga’ mamantang di sunduan posorili, mokianu koumoligan om nogi
mokianu do dupot mantad sunduan posorili. Soira nopo katanud diti boros puru,
karati i sunduan posorili do tudu diolo sumuang do puru, ii no mongintorus. Maya diti
kosiliu do koruhangan toi ko’ soboogian id puru tu karati i sunduan posorili
booboroson diolo om onuan diolo do nintorusan. Nung momoguno nopo boros
Dusun id puru nopo nga’ karati i sunduan posorili di boros nga’ haro o kasasalaan. Iti
di o kapakaus ginawo di sunduan posorili id puru. Au nopo momoguno diti boros puru
nopo nga’ kotoguang do koligagaanan miagal ko’ aratu, kodulud om apalid.

Jadual 1

Kawo boros puru di gunoon sumuang puru id Kampung Kiau Nuluh, Kota

Belud

No Kawo boros puru Boros Dusun
Tindal

Boros Puru Boros Melayu

1 Taakanon Busul Pomubusan Dubur
2 Boogian Tinan Takano Pomusok Nasi
3 Tayam Tulanut Momodos Ular
4 Kakamot Macis Pondidip/baig Mancis
5 Sandad Posorili Dalan amu
osonong/ otidong

Kumasanangan Jalan tidak baik

6 Basaan Galam Pamalasu Tikar
7 Koimaan Tinomod Mokinongou Momosuk Mendengar
8 Koimaan Au Tinomod Nokosunsuya Notipuan Tergelincir
Boros Ponuhu Intangai Boloho Lihat, tengok

Tumanud di Arena Wati (1978), tulun Kadazan Dusun nopo nga’ aiso po
aksara, i nopo sambayang toi ko’ rinait id upacara magambawon nga’ nokopiamung
no kogunoon. Nokopirolot no guno diti rinait montok do magambawon, momolingos