Tuis. 01

• 13 kg vars pynappelstukke
  (sowat 3 Queen-pynappels)


• 2 groot wit uie gekap


• 3 groot groen appels ontpit en gekap


• 300 g (375 ml) ligte bruinsuiker


• 250 ml bruinasyn


• 5 ml sout


• 15 ml matige kerriepoeier


• 2 groen brandrissies gekap


• 1 duim vars gemmer gekap


• 15 ml swart mosterdsaadjies


• 10 groen peperkorrels


• 3 lourierblare

Meng al die bestanddele saam in ’n groot

kastrol oor matige hitte en roer tot die

suiker opgelos is. Bring tot kookpunt en

verlaag weer die hitte totdat die mengsel

rustig prut. Roer gereeld en laat prut tot

dik en stroperig – dit sal tussen 30 minute

en 1 uur duur afhangend van die hitte.

Bottel die blatjang warm in gesteriliseerde

flesse en seël terwyl dit nog warm is. Gee

die blatjang so ’n week in die spens voor

jy die eerste bottel oopmaak.

Pynappelvarkribbetjie

met mielieslaai

Wat laat ’n mens se mond meer water as ’n

stapel sappige souserige ribbetjies? Probeer

die soort wat nie vooraf gekook is nie in die

hande kry vir die resep.

Genoeg vir 4

Bereidingstyd: 45 minute

Gaarmaaktyd: 4 uur

• 2 varkribbe elk in vier stukke gesny


• 2 cm vars gemmer geskil en gekap


• 2 knoffelhuisies gekneus


• 2 steranyspeule


• 1 x 135 g-blik pynappelstukke


• 60 ml sojasous


• 100 ml appelasyn


• 30 ml korrelmosterd


• 1 rooi brandrissie gekap
  MIELIESLAAI


• 4 mielies


• sap en skil van 1 lemmetjie


• 200 g kersietamaties in kwarte gesny


• ’n bossie sprietuie gekap


• 30 ml vars koljander grofgekap


• 60 ml suurroom


• groen Tabascosous (opsioneel)

1 Sit die ribbetjies in ’n oondbak. Klits die

res van die bestanddele saam en giet dit oor

die vleis. Bedek met foelie en rooster vir

3 uur in ’n voorverhitte oond teen 160 °C.

2 Maak die mielieslaai Maak die mielies

gaar deur dit vir ’n paar minute in kookwater

te dompel en dan in ’n bietjie olie in ’n

dikboompan te braai tot die korrels hier en

daar kleur kry. Sny die pitte van die stronke

af en meng met die res van die slaai-

bestanddele. Geur met sout en peper en as

jy wil ’n paar druppels groen Tabascosous.

3 Haal die ribbetjies uit die oond en

verwyder die foelie. Bedruip die vleis met

die sous en roer deur tot goed bedek.

Verhoog die oondtemperatuur na 220 °C en

rooster vir nog sowat 30 minute tot

stroperig. Hou maar dop dat dit nie brand

nie. Sit voor met die mielieslaai.

Vrugtige pynappelblatjang

Dié vrugtige blatjang pas perfek by ’n kaasbord of by kouevleis soos gerookte vark.
’n Rissiebyt maak dit ekstra spesiaal.

Genoeg vir sowat 13 liter • Bereidingstyd: 45 minute
Gaarmaaktyd: 45 minute tot 1 uur

116 tuis Januarie 2017