Tuis. 01

Belinda en Joe Soboil het hul pragtige huis agt jaar gelede

gekoop. “Ons was op soek na blyplek met ’n tuin wat groot

genoeg is vir ons drie seuns” verduidelik Belinda. “Joe het dié

huis opgespoor maar ek was nog onseker tot ek verlief geraak

het op die imposante voordeur – en die res is geskiedenis!”

Die huis het ’n opknap nodig gehad maar die Soboils het

besluit om eers ’n ruk daar te woon voor hulle die taak aangepak

het. Só kon hulle met sekerheid besluit wat hulle wou verander.

“Ons het eerste die kombuisarea oopgemaak en toe ’n

deel van die stoep toegebou as ’n TV-kamer vir die kinders”

verduidelik Belinda. “Daarna het die formele sitkamer

dubbeldeure gekry wat op die tuin oopmaak. Dit het die vloei

van binne na buite heelwat verbeter.”

Nadat die nodige strukturele veranderinge aangebring is kon

Belinda haar dekor-stempel afdruk. “Ek sou sê my styl is ’n

mengsel van eklekties en modern – dalk boheems-vintage. Ek

kombineer graag die onverwagte met die ongewone en skep

instinktief ’n voorkoms wat dromerig en gevoelvol is – met ’n

sterk klem op plante.” >>

Die oopplankombuis met sy afgevlakte
vloer is reg langs die toegeboude stoep.
Die groen gehekelde kombers op die
bank is gemaak deur die talentvolle
Norah Karoi die gesin se huiswerker.

Rusbank van Weylandts; kussings van
Skinny laMinx

54 tuis Januarie 2017