Tuis. 01

Belinda en Joe hou van die buitelug en reis

graag. “Oor die jare het ons meubelstukke

kuns en gedenkwaardighede versamel van al

die plekke waar ons al was” sê Belinda. “Ek

weet as iets vir my mooi is sal ek ’n plek

daarvoor kry. Ons huis staan vol kosbare

onthougoed.”

Belinda is ook passievol oor blomme en ná

baie jare in die advertensiebedryf bestuur sy

deesdae ’n blommerangskik-saak Bella

Flowers van die huis af. “Blomme het my

kreatiewe uitlaatklep geword” sê sy. G’n

wonder dat hul huis versier is met massas

blomme en loof nie.

Kleurryke rangskikkings en potplante

verlewendig die ruimte en ’n deel van die

aantrekkingskrag is die ongewone houers

waarin Belinda die plante uitstal. “Blomme is

vir my boodskappers van vreugde en

inspirasie” sê sy. “Hulle druk uit wat ons nie

kan nie – met grasie en skoonheid.”

Belinda se flair is nie beperk tot blomme nie

• haar kreatiwiteit is regdeur die huis sigbaar.
  Fokusmure is geverf in ryk kleure wat dadelik
  die oog vang. “Ek hou van donkerder kleure op
  sekere mure – dit skep definisie en laat items
  uitstaan. Ek hou ook van swart in my dekor; dit
  anker en verleen integriteit aan ’n vertrek.” >>

Ek kombineer graag

meubelstukke van

verskillende tydperke

en kulture met unieke

ontwerpe spatsels kleur

ryk teksture en pragtige

blommotiewe. – Belinda

Al hul gunstelinge

60 tuis Januarie 2017