Tuis. 03

“Die Europese dorp-atmosfeer en argitektuur met keistene

boë en torings het met ons harte gepraat; om hier te bou

was ’n maklike keuse...”

So verduidelik Dewaldt de Kock hul besluit om einde

2013 ’n plot-en-plan-eiendom op Stellenbosch te koop.

Bouwerk sou amper twee jaar duur en hulle kon eers in Mei

2015 intrek. Maar die lang wag het hulle nie gepla nie.

“Dit het ons tyd gegee om die plan presies te verander

soos ons dit wou hê; ’n mens moet baie slim werk met klein

ruimtes.”

Dewaldt is ’n predikant op Stellenbosch en sy vrou

Suzelle werk vir ’n finansiëlediensteverskaffer. Hul dogter

Keana is ’n derdejaarstudent op Maties.

Die De Kocks se vrolike kleurvolle huis het allerlei hoekies

en draaitjies – nie noodwendig iets wat jy in ’n klein ruimte

wil hê nie maar dié twee het dit juis so beplan.

“Ek en Dewaldt is ook Imago-huwelikfasiliteerders wat

paartjies help om weer ’n ruimte te skep waar hulle ’n hegte

band kan vorm en veilig voel” vertel Suzelle.

“Omdat die ruimte tussen my en Dewaldt vir ons belangrik

is het ons doelbewus ons huis so laat bou dat daar baie

ruimte vir die band tussen ons kan wees – vandaar die knus

hoekies geen televisie nie en ’n groot bad waar ons kan

saamkuier. Die eetkamertafel is ons ‘televisie’; dis die

sentrale kuierpunt in ons huis” grap sy. >>

Suzelle wil graag die leerbank vervang

met een waarop sy én Dewaldt kan lê

• “ ’n ontwerp met pote wat ’n gevoel
  van ruimte sal skep” sê sy.

Die kleurvolle
handgebreide
komberse is by
’n kerkbasaar
gekoop. Die
bamboesleer in
die eetkamer is
’n slim
ruimterekker

• nou is die
  komberse altyd
  byderhand.

Leer van
Arabesque

Geel toustoeltjie van Arabesque

20 tuis Maart 2017