Tuis. 05

Geroosterde

popper-aartappels

Wat kan nou beter wees as ’n bros

goudbruin soutbesprinkelde aartappel

warm uit die oond vra jy? Wag tot jy

dié proe ...

Genoeg vir 12 aartappels

Bereidingstyd: 30 minute

Gaarmaaktyd: 1 uur

Oondtemperatuur: 200 °C

• 12 mediumgroot ingelegde rooi
  jalapeño-rissies


• sowat 60ml volvet-roomkaas


• 6 repe spek gehalveer


• 12 groot Mediterreense aartappels


• sowat 45 ml olyfolie


• 30 ml botter


• seesoutvlokkies

1 Voorverhit die oond. Sny ’n gleufie in elk

van die jalapeño’s en verwyder enige

saadjies; druk droog met kombuispapier.

Skep nou ’n bietjie roomkaas in elke rissie

en draai ’n reep spek rondom. Sit die rissies

op ’n bakplaat en rooster hulle vir sowat

15 minute tot die spek gaar is maar voordat

die kaas uitkook.

2 Kook die aartappels in soutwater vir sowat

15 minute tot net sag. Dreineer en laat

effens afkoel. Gebruik ’n appelboor of die

punt van jou groenteskiller en maak

versigtig ’n holte in die aartappels groot

genoeg dat ’npopperdaarin sal pas.

3 Prop nou ’n gaarpopperversigtig in

elke uitgeholde aartappel en as jy wil stop

die bo-punt van die aartappel toe met van

die vlees wat jy uitgeboor het. Pak die

aartappels styf langs mekaar in ’n rooster-

pan; bedruip met die olie en stip met die

botter. Geur met seesoutvlokkies en

varsgemaalde swartpeper en bak tot

goudbruin en bros (sowat 40 minute).

Draai halfpad deur die baktyd om.

Spek-en-hoenderpastei

Pleks van ’n deegdop kry dié pastei ’n

spekbolaag en heel eiers binne-in. Die

pastei is lekker vir ontbyt laat-ontbyt

middag- óf aandete.

Genoeg vir 1 formidabele pastei

Bereidingstyd: 45 minute

Gaarmaaktyd: 1 uur

Oondtemperatuur: 200 °C

• 12 kg hoenderstukke
  (minstens 2 borsies)


• 15 ml olie


• 2 mediumgroot wortels geskil en gekap


• 2 selderystingels gekap


• 2 lourierblare


• 500–750 ml aftreksel


• 30 ml botter


• 250 g sampioene skoongevee en gekap


• 3 preie gekap


• 30 ml meel


• 250 ml room


• 400 g spinasie geblansjeer en gekap


• 5 ml gerasperde suurlemoenskil


• 125 ml gekapte platblaarpietersielie


• ’n knippie neutmuskaat


• 400 g blaardeeg


• 9 saggekookte eiers afgedop


• 400 g spekrepe


• sowat 15–30 ml soet rissiesous
  (opsioneel)

1 Braai die hoenderstukke bruin in die

olie. Skep dit dan in ’n pot met die wortels

seldery lourierblare en aftreksel. Bring tot

kookpunt en laat prut rustig vir sowat

25 minute tot gaar. Dreineer (behou die

aftreksel) laat effens afkoel en pluis. Gooi

die vel en been weg.

2 Skep die botter in dieselfde pan waarin

die hoender gebraai is en braai die

sampioene en preie tot gaar en geurig. Geur

met sout en varsgemaalde swartpeper en

roer die meel by. Braai vir ’n minuut. Klits

nou die room en 250 ml van die behoue

aftreksel by en laat prut tot verdik. Roer die

spinasie suurlemoenskil pietersielie en

neutmuskaat by en laat afkoel. Roer die

hoender by.

3 Voorverhit die oond. Voer ’n diep

vierkantige koekpan (23 cm) uit met die

blaardeeg (rol dit effens dunner indien

nodig). Plaas ’n vel bakpapier op die deeg

skep droë boontjies bo-op en bak blind vir

sowat 25 minute. Verwyder die bakpapier

en boontjies en bak vir nog ’n paar minute

tot lekker bruin – so verseker jy ’n bros kors.

4 Skep die hoendervulsel in die deegdop en

rangskik die eiers tussen-in as verrassing

wanneer jy die pastei sny. Weef nou die

spekrepe in ’n stywe ruitpatroon (sien foto

op bl. 111) en sit dit bo-op die pastei; vou

dit oor die vulsel en om die rande in eerder

as om enige spek wat oorsteek af te sny.

Die spek gaan krimp terwyl die tert bak

daarom moet dit aanvanklik groter wees.

5 Verf die soet rissiesous oor die spek en

bak die pastei vir sowat 25 minute of tot die

spek mooi bruin en die pastei deurwarm en

gaar is. Sit dadelik voor.

Botterskorsie-

en-wortelslaai

Gerasperde wortelslaai met pynappel bly ’n

retro-gunsteling; dié resep verfris die

kombinasie so ’n bietjie.

Genoeg vir 6 as bygereg

Bereidingstyd: 10 minute

• 4 lemoene


• 200 g botterskorsie-noedels


• 4 mediumgroot wortels in linte gesny


• 1 rooi ui in dun ringe gesny


• ’n hand vol gemengde koljander- en
  mentblaartjies


• ’n paar vars ertjielote


• 60 g gevlokte amandels gerooster
  SLAAISOUS


• ’n knippie elk sout suiker en rooipeper


• 30 ml rooiwynasyn


• 30 ml goeie sesamolie (gemaak van
  geroosterde saad)


• 15 ml olyfolie

Sny die lemoene in segmente en druk die

sap in die lemoenreste uit in ’n maatbeker.

Klits al die slaaisousbestanddele saam en

voeg van die vars lemoensap na smaak by.

Meng die lemoen botterskorsie wortel ui

kruie en ertjielote en meng die sous deur.

Skep op ’n mooi dienbord sprinkel die

neute oor en lê weg.

sondagmaal

114 tuis Mei 2017