Tuis. 05

Die stoep is ’n

verlengstuk van die

huis en Gerhardt en

Kosie bring baie tyd

hier deur. Wie sou kon

raai die tafel was eers ’n

houtheining?

Die dekorwinkel Gonk in Linden Johannesburg

ismeer as ’n werkplek vir die eienaars van dié

negosiekis vol mooigoed. Gerhardt Oosthuizen

en Kosie Nagel beskou dit as ’n droom wat waar

geword het en wanneer hulle saans huiswaarts

keer laat hulle nie dié droom agter nie: Hul

blyplek is ’n voortsetting van alles wat vir hulle

vreugde bring.

“Toe ons die huis ses jaar terug gekoop het

het dit reeds vir 18 maande leeg gestaan” vertel

Gerhardt. “Die gras was lank en die swembad

was groen en vol platannas. Uitgekapte teëls het

in hope op die vloer gelê.”

Ná maande van bou en breek is dit deesdae

hul droomhuis – nie dat dit hulle keer om steeds

gedurig te verander nie.

“Danksy ons winkel het ons toegang tot die

wonderlikste goed. Daar’s altyd iets wat ons huis

toe dra” sê Gerhardt. “Ek is ’n lid van ‘Scatter

Cushion Anonymous’ en sukkel om verby ’n

mooi kussing te loop!” spot hy.

Om dié rede het Gerhardt en Kosie

grotendeels ’n neutrale palet gekies. Want

dit gee hulle die geleentheid om kort-kort

veranderinge te maak sonder dat dit hulle baie

uit die sak jaag.

“Die neutrale mure vloere en hier en daar ’n

gordyn van natuurlike vesel maak dit ’n maklike

palet. Om kleur in te bring en weg te vat met

fokuselemente verg min.” >>

Ons is dol oor ...

die sweefrakke –

planke wat met kabels

uit die dak hang. Die

hanglampe is uit ’n

gestaakte reeks van

@home.

Gerhardt (links) en

Kosie glo niks in hul

huis moet vaal of

vervelig wees nie.

Dié twee kreatiewe
siele gebruik graag
plante om die natuur
binnetoe te bring.
Hulle hou veral van
lugplante kaktusse en
ander vetplante omdat
dit min onderhoud vra.
Oumansbaard (links)
floreer in ’n humiede
omgewing maar vra
geen ekstra water nie.
Dit hang eenvoudig
aan ’n hakie in die
onderstebo potjie; dit is
by Gonk te koop.

Mei 2017 tuis 21