Tuis. 05

’

’n Langdurige liefde vir die markte en stegies van mistieke Marokko

en sy invloed op haar gewilde Kaapse winkel Moroccan Warehouse

beteken Kundra Bowley is net die vrou om by aan te klop vir

eksotiese dekor wat met sorg in Marrakesj uitgesoek is.

Dis geen wonder dat haar huis ’n eeu oue kothuis in Tamboers-

kloof teen die hange van Leeukop ’n verruklike uitdrukking is van

dié kreatiewe verhouding nie.

Met die intrapslag in Kundra se huis deesdae te huur op AirBnb

voel dit kompleet of jy in Marokko kuier – van die tradisioneel

versierde voordeur met gegraveerde gipspanele alkant tot die

pragtige binnehof agter ’n oase met helderblou teëls ’n lieflike

kabbelende fontein geil bougainvillea en ’n olyfboom.

“Niks in my huis is perfek nie” sê Kundra. “En niks is duur nie.

Dis vir my die mooiste soort mooi.”

Die binnekant van die huis was eers donker en knap maar

Kundra het die klein ruimte groter laat voel met glasdeure wat van

die slaapkamers lei en ’n leefarea wat oopmaak op die twee buite-

areas: Die binnehof agter het ’n uitsig op Tafelberg en voor is daar

’n plonspoel en ’n uitsig op die middestad – en alles komplementeer

die Marokkaanse atmosfeer van die interieur.

Bring haar werk huis toe

Die meubels en afwerkings in haar huis lyk of dit moeiteloos

bymekaargesit is. “My dekorstyl is nederig; ek gebruik eenvoudig

elemente wat my na aan die hart lê” vertel Kundra.

En dit waarvan sy hou val ook in ander se smaak. In so ’n mate

dat besoekers dikwels items in haar huis bewonder en dan is

Kundra meer as gelukkig om dit net daar aan hulle te verkoop.

“Dis vir my so lekker wanneer iemand beïndruk is met iets wat ek

teruggebring het van my gunstelingland. Die goeie ding is dat daar

gereeld nuwe items inkom danksy my winkel.”

Die warm ryk kleure van die meubels sagte matte geteëlde

fokusmure en versamelgoed staan pragtig uit teen die natuurlike

kleur van die afgevlakte wasgeseëlde mure – ’n kalmerende

skakering wat herinner aan ’n woestynlandskap.

“Wat dekor betref is daar twee Marokkaanse style” verduidelik

Kundra. “Daar is die oordadige goud koper en donker hout van

moderne Marokko en dan kry jy die rustieke handewerk van

Berbers wat jy by die markte of souks raakloop. Dis hulle wat die

sogenaamde ‘onvolmaakte’ items maak waarvan ek so baie hou: die

rottangstoele stoele met kerfwerk op hul spits pote tafels met

mosaïekwerk op die blaaie lampkappe van bokvel matte en

kombuisware. Die mooiste vir my is dat daar amper altyd ’n storie

agter die item of ontwerp is.”

’n Liefdesreis ...

Kundra se liefde vir Marokkaanse argitektuur en dekor wat 25 jaar

gelede tot haar winkel gelei het het toevallig begin by ’n mode-

fotosessie in Frankryk. Sy was ’n modestilis en die Franse fotograaf

met wie sy gewerk het het ’n vinnige fotosessie voorgestel in

Marokko net twee uur per vliegtuig daarvandaan.

“So is ons toe vort; dit was hoogsomer met die kwik op 55 °C! Net

voor ons terugvlug het ek besef ek het nie ’n aandenking van my

besoek aan dié land nie. Ek het haastig by die naaste souk ingedraf

en ses klein bakkies gekoop voor ek weer moes hol om betyds te

wees vir die bus lughawe toe. Ek het geweet ek sou terugkom.”

Kundra was so bekoor deur die Marokkaanse styl dat sy almal

tuis aan dié lieflike handewerk wou bekend stel. Sy het ’n besending

ware ingevoer en in ’n vriend se garage te koop aangebied – binne

’n paar uur is die lot verkoop! Dit het haar laat besef dit kan ’n

suksesvolle onderneming wees.

Al het sy ’n agent in Marrakesj hou sy daarvan om self elke jaar

soontoe te reis om items te gaan uitsoek. Sy en die agent vaar dan

die stofstrate in op ’n bromponie op soek na skatte en onder handel

in gebroke Frans en Arabies om die items wat haar hartsnare roer

terug Suid-Afrika toe te bring. >>

Langs die plonspoel in die voortuin skep

glasvesel-Art Deco-stoele van Marrakesj

’n kontemporêre gevoel.