Tuis. 05

Oorgenoeg ruimte

Die Richardsons het vyf jaar gelede hierheen getrek om nader

aan die kinders se skole te wees; hulle was op soek na ’n

ouer huis met genoeg ruimte vir onthaal.

“Ons het eers in ’n veiligheidskompleks gewoon en wou

dolgraag iets met meer karakter hê” verduidelik Bridget.

Sy en Bruce was dadelik verlief op die argitektoniese detail

boogdeurgange hoë plafonne Oregondennehoutvloere – en

natuurlik die sink-skuurtjie van waar Bridget en haar twee

helpers haar onderneming bedryf.

“Ek dink ons is baie gelukkig dat ons ’n huis gekry het

wat ook plek het vir my besigheid; dis perfek al begin Love

Letters die skuurtjie nou ontgroei!” sê Bridget en lag.

En net soos dit ’n kreatiewe meesterbrein betaam is

die huis propvol verrassings en slim dekor-idees – van

besonderse handgemaakte kunswerke tot ou rottang-

lampkappe wat as muurversierings ingespan is. En

alles is so stylvol ingerig dat jy sou dink die hele

lot is ontwerpersitems... >>

’n Afdruk van ’n wêreldkaart

in die eetarea is ontwerp en

gemaak deur Love Letters

Stationery. “Wanneer ons nie

weet wat om vir aandete te

maak nie kies ons ’n land op

die kaart en soek ’n resep vir

’n klassieke gereg uit daardie

geweste” sê Bridget.

Hanglampe van

Weylandts; swart en

wit vloerteëls van

KBAC Flooring; die

tafel is ’n erfstuk van

Bruce se ouma; die

stoele is op Gumtree

gekoop

Blink plan!
Wie sê ’n plafon moet wit
wees? Hier is die mure
wit en die plafon grys.