Tuis. 05

“ ’n Regte oudoos-plek” was Marius van de

Wall se eerste indruk van die woonstel wat

deesdae sy moderne ligte blyplek in

Seepunt is. “Alles was aparte vertrekke

eintlik hokkies. Daar was so ’n simpel lang

smal sitkamertjie ’n outydse kombuis wat

gevoel het of dit in ’n gang ingedruk is en ’n

vreeslik benoude badkamertjie met ’n

Novilon-vloer.”

Maar gelukkig kon dié eks-Johannes-

burger sakeman en TV-vervaardiger verby

dit alles kyk. “Ek koop in elk geval liewer ’n

ou plek en ruk alles uit as wat ek iemand

anders se smaak koop en daarmee

opgeskeep sit” sê Marius ferm.

“Boonop het die wonderlikste sonlig deur

die vensters gestroom die dag toe ek kom

kyk het en is alles binne stapafstand.

Straat-af is ek ’n klipgooi van die

promenade; straat-op is al die winkels en

restaurante waarvoor ’n mens maar kan vra.

En dan het Seepunt nog so ’n lekker

kosmopolitiese vibe ook. Hier het ’n mens

kontak met die straat.

“Dis alles dinge wat ek nie in

Johannesburg gehad het nie. Daar het ek

agter hoë mure in ’n pragtige ou huis

gewoon met baie bome maar geen sonlig

nie. Hierdie woonstel was as’t ware ’n

reaksie daarop. Ek was boonop moeg vir die

onderhoud wat die visdam swembad en

tuin geverg het.”

Hy het in Februarie 2016 oordrag

geneem dieselfde maand met sy opknap-

werk begin en einde April 2016 kon hy

intrek. En tot sy verbasing is hy dol oor sy

nuwe sorgvryer leefstyl in ’n kleiner ruimte.

“Ek wou ’n eenvormige rustige plek skep

en myself uitdaag om meer minimalisties te

leef. Tydens die oorgang van Johannesburg

na Kaapstad het ek van baie meubels en

goed ontslae geraak en my woonstel sou

dié kopskuif weerspieël. Ek het letterlik en

figuurlik van baggage ontslae geraak!

“Tot my skok het ek in die proses

agtergekom dat ek eintlik nie van groot

ruimtes hou nie. Ek leef heerlik en knus in

’n woonstel wat nommerpas vir my

behoeftes ingerig is.

“Ek is ’n regte stadsjapie en mal oor

stap. Seepunt pas my dus soos ’n hand-

skoen – af met die trappe uit by die hek

en daar wag ’n hele stad met sy mense en

gedruis vir my. So op die rustige Kaapse

manier!” >>

Marius werk heerlik in sy nuwe tuiskantoor op die

balkon. ’n Groot venster en deur (links op die foto)

skei dit van die slaapkamer. “Die kantoor is lig

en ek kan lekker uitkyk totdat die son my in die

namiddag begin pla” sê hy. “Dan trek ek maar die

blindings toe!”

Lessenaar van Hemma Furniture; plantrak van

Thingking; tydskrifrak van MRP Home

“Ek hou niks daarvan as die televisie ’n fokuspunt is nie”
sê Marius. Daarom het hy die sweefrakke so laat installeer
dat die TV-stel as’t ware daarin verdwyn. “Dis ’n idee wat
ek by ’n vriendin se woonstel gesien het.”

Kussing heel regs van Woolworths; ander kussings van Zana

Mei 2017 tuis 51