60 tuis Mei 2017

Slim spieëltafel

’n Halfmaantafel en los spieël waarvan die raam in

dieselfde mentgroen geverf is dien as spieëltafel in

Bea Kluyts (17) se slaapkamer in Welgedacht

Kaapstad. “Waar die spieëltafel nou staan was ’n

ongemaklike gangetjie nadat ons ’n muur uitgebreek

het” vertel haar ma Thea. “Bea wou graag ’n

spieëltafel hê maar daar was net nie plek nie. Toe

iemand by my werk die bal-en-kloutafeltjie uitgooi

was dit nommerpas vir dié ruimte.” Die spieëlraam

bestaan bloot uit ou portretrame wat op die spieël

geplak is; dit was voorheen helderpienk en wit.

Hart van klip

’n Groot erfstuk versag die sement-voorkoms van

dié badkamer. “Die spieël is oud en gehawend

maar ek hou van die kontras tussen die koue sement

en die antieke metaalafwerking” sê die huiseienaar

Martina Klopper.

“Ek kon aanvanklik nêrens ’n groot ou spieël vir

die muur kry nie toe gebruik ek maar die staan-

spieëltjie ’n mark-kopie” vertel sy. “Toe ek later die

grote raakloop was ek so gewoond aan die los spieël

dat hy maar gebly het.” Agter verskaf ’n ou

koperbord nóg warmte. ’n Lateks-bindvloeistof is by

die beton gevoeg om dit minder poreus te maak; dis

verseël met Alumanation Sovereign Seal. >>

Interieur-ontwerp deur Mer Design; spieëls van

Supreme Mouldings

Vir die pret

Pleks van een groot

spieël het Claudia Fabian

van Mer Design vyf

kleintjies van verskillende

groottes in Ilana en André

Joubert se voorportaal in

West Beach naby

Kaapstad gehang. “Dit

verander die portaal van

’n ernstige ruimte na ’n

vriendeliker prettige plek.

Dit weerkaats ook lig en

die ander dekor-elemente

in die vertrek” sê sy.

“Boonop skep die

ongelyke getal spieëls en

verskillende groottes ’n

interessante komposisie.”

4

#

3

5

Tafel en spieëlraam

geverf in die Dulux-kleur

Woodland Pearl

Teks

Kim Arendse