Tuis. 05

Paddaprins!

DeurMarié Esterhuyse

Foto’s Francois Oberholster

Plantgids

Botaniese naam

Tricyrtis hirtaenT. formosana

Skaduwee Baie water

Rypbestand Meerjarig

Groei 60 cm tot 1 m hoog

Goeie snyblom

Marié Esterhuyse

Moenie dié delikate blom op sy

baadjie takseer nie – hy’s baie

taaier as wat hy lyk.

Tricyrtis hirta en T. formosana (“toad lilies” op

Engels; kom ons maak soos die Hollanders en

noem hulle “paddalelies”) lyk soos orgideë

met hul fyn eksotiese blomme. Maar moenie

jou laat flous deur dié blom se delikate voor-

koms nie. Dit is gehard en kom natuurlik in

Asië voor onder meer in die woude van die

Filippyne Japan en die Himalaja.

Paddalelies blom van laatsomer tot in

die herfs op dun stele wat bo die blare

uitgroei. Hul wit of naaswit blomme

is oortrek met honderde klein

donkerpers of wynrooi kolletjies. Dis

nie moeilik om die lelies te kweek nie

en hoewel die stele lank groei is dit nie

nodig om hulle te stut nie. Die lelies is perfek

vir klam skadu ryke plekke met komposryke

grond. In koeler dele kan dit oggendson

hanteer.

Dit is belangrik dat die plant nooit uitdroog

nie maar die grond moet ook nie deurweek

wees nie – hou dit net goed nat. Strooi ’n

deklaag om die wortels sodat die grond vogtig

kan bly en beskerm die plant teen wind. Sny

die hele plant – blomstele én blare – laatwinter

tot op die grond af; dit loop weer uit.

Paddalelies het selde verdeling nodig maar

kan in die lente verdeel word indien jy meer

plante wil maak. Die verdeelde plant behoort

die volgende somer al blomme te dra.

Tricyrtis-lelies lyk mooi in potte in die

skaduwee. Goeie pasmaats is varings

Helleborus Hostas Plectranthusse en

Japannese anemone.