Tuis. 10

Kosbaarhede en winskopies

Die meubels deur die hele huis is ’n mengsel van splinternuut –

soos haar fluweelbank – en stokoud – soos erfstukke van haar

ouma en ’n antieke kas uit Indië wat Wessel vir haar gegee het.

“My ouma se spieëlkas is opgesaag en ons het kanttafeltjies

daarvan gemaak vir die sitkamer” vertel Marianne. “My ma het

ook al baie artikels vir my gegee soos die klein houtkissie in die

sitkamer. Dis vir my baie lekker om ’n winskopie te neem en dit

’n nuwe lagie verf te gee soos die chartreuse stoeltjies met die

uitgesnyde kruis in die rugleuning. My vleuelklavier wat my baie

na aan die hart lê was ook ’n winskoop – ek het dit by ’n tannie

oorgeneem wat moes verhuis.

“Daar is ook ’n bank in die sitkamer wat ek met goudkleurige

lap oorgetrek het. Dit het ’n gekurfde houtraam met knoopdetail

teen die rug – ’n regte Victoriaanse stuk wat ek in ’n gehawende

toestand gekoop het by Belinda van Kiki’s Vintage Studio op

Parys. Ek het dit laat restoureer en siedaar – nog ’n gunsteling

wat eendag ’n erfstuk sal word.” >>

Plakpapier bly een van haar gunstelinge en dis deesdae weer
hoogmode. “Toe ek in gr. 8 was het ek en ’n vriendin my hele
kamer met Biggie Best-papier uitgeplak. Ek was so trots op my
handewerk en daardie kamer met die pienk rose was jare lank
Plakpapier van Wallpaper Inn vir my pragtig.”