Tuis. 10

Blomstruike

Deur Marié Esterhuyse

Foto’s Francois Oberholster en Sally Chance

Marié Esterhuyse Struike wat blomme dra gee hoogte én kleur

aan jou tuin. Hier is twee staatmakers.

Albei die

struike raak groot.

Hou die volwasse

plante se grootte in

gedagte wanneer

jy besluit waar om

hulle te plant.

Plantgids

Son

Gemiddelde waterbehoeftes

Rypbestand

Bladwisselend

Blom September tot Oktober

Groei tot 3 m hoog en 2 m wyd

’n Sneeubalbos kan ná blomtyd

teruggesny word om seker te

maak sy vorm bly mooi maar

andersins het dié struik min

snoei nodig.

Gewone sneeubal

(Viburnum opulus ‘Roseum’)

Met sy groot balle roomwit blomme maak die

sneeubalbos ’n treffende vertoning in die lente. Die

blom is eintlik ’n klomp klein blommetjies wat saam soos ’n

bal lyk. Die blomme is aanvanklik groen en raak roomwit met verloop van tyd

totdat die bos vir sowat vier weke oortrek is met ’n massa blomme wat jy

beslis nie kan miskyk nie! En in die herfs sorg dit vir nog kleur in jou tuin

wanneer die blare pragtig verkleur.

Die gewone sneeubal hou van goeie somerreën; hou dit dus nat in die

somer in winterreëngebiede en plekke met baie droë somers. Dit verkies ook

koel tot koue winters en sal nie goed aard in baie droë binnelandse gebiede

of die warm vogtige dele van die land nie. Plant die sneeubalbos in die son

hoewel dit halfskaduwee sal verkies op plekke met ’n warm droë lente – hou

dan ook die wortels koel met ’n dik deklaag.

Die struik het redelik ryk en vrugbare grond nodig en hou van ’n

windbeskutte plek.

tuin plant van die maand